Izoh.uz сайтида узоқ сўзининг изоҳи ва маънолари

узоқ

Сўзни дўстлар
билан улашинг

сифат

1. Оралиқ масофаси (нисбатан) катта, нисбатан нарида жойлашган; олис.

Узоқ қишлоқдан келди. Овози узоқ-узоқларга етмоқ. Туяга миниб, узоқни кўзла. Мақол
Сидиқжоннинг кўзи дарёнинг у томонида, узоқ уфқда милтиллаб турган сон-саноқсиз чироқларга тушди. А. Қаҳҳор, Қўшчинор чироқлари
Бир маҳалда узоқда қора нуқта кўринди. Мирмуҳсин, Меъмор

2. Вақт эътибори билан давомли, катта, кўп.

Узоқ тикилмоқ. Узоқ суҳбатлашмоқ. Узоқ кутмоқ. Узоқ муддатли кредит. Узоқ яшамоқ.
Бу жанг узоққа бормайди. Мирмуҳсин, Меъмор
Сидиқжон узоқ сукут қилиб қолгандан кейин бош чайқади. А. Қаҳҳор, Қўшчинор чироқлари

3. Дўстлик, қариндошлик, танишлик ва шу кабилар жиҳатдан боғланиш у қадар яқин бўлмаган, яқин эмас.

У ерда Элмуроднинг ҳам бир эмас, кўпгина узоқ қариндош-уруғлари бордир. П. Турсун, Ўқитувчи
Меҳмон узоқ қариндош — отасининг аммаваччаси — Аширмат эди. Ойбек, Олтин водийдан шабадалар
Нурининг никоҳ куни у бегона қиз — узоқ қиз бутунлай таниш ва яқин бўлиб қолди. Ойбек, Танланган асарлар

4. кўчма Бевосита алоқаси, муносабати йўқ; алоқасиз.

Бундоқ маслаҳатларда маҳкама соҳиби, аммо илм-у фандан узоқ Аҳмад Чалабий ҳам бир чеккада эснаб ўтирарди. Мирмуҳсин, Меъмор
Султонмурод шу вақтгача халқ тирикчилигидан узоқ яшар, унинг дардларига бегона эди. Ойбек, Навоий

узоқ сўзи қатнашган жумлалар:

Кўздан узоқ

Назар-эътибордан четда.

Кўздан узоқ юр, уқдингми? Ойбек, Навоий

Узоқ гап

сўзлашув тили Амалга ошиши ёки юзага чиқиши қийин бўлган нарса ҳақида.

Офтоб ойим қариндошларидан жонкуяр деб танилган киши Кумушбибининг тоғаси — Аҳмадбек бўлиб, у ҳам умрининг кўпини Қўқондами, Хўжанддами ўтказар, шунинг учун ундан ёрий кутиш ҳам узоқ гап эди. А. Қодирий, Ўтган кунлар

Узоқ йили

Ўтган йилдан олдинги йил, бурноғи йил.

Бухорода, узоқ йили бетоб бўлиб ётганида ҳам, кўзига шундай мурдалар, алвастилар кўринган эди. Мирмуҳсин, Меъмор

Узоқни кўрмоқ

Келажак ҳақида тўғри фикр юрита билмоқ, оқибатини ўйлаб иш тутмоқ.

Бугунни эмас, узоқни кўриш керак, косовинг узун бўлса, қўлинг куймайди. А. Мухтор, Қорақалпоқ қиссаси
Ҳамма бало шу саводсизликдан чиқяпти. Узоқни кўролмайди. С. Аҳмад, Ҳукм

Узоққа бормайди

Кўп давом этмайди, тез фурсатда барҳам топади, тамом бўлади.

Энди ўзини қаёққа урса ҳам, узоққа бормайди. Ҳисоботини эшитамиз-у, тамом. П. Турсун, Ўқитувчи

Узоғи билан

Кўп деганда, кўпи билан.

Узоғи билан икки-уч кун ичида ишингизни оласиз. Н. Сафаров, Ҳаёт мактаби

Эҳтимолдан узоқ эмас

Амалга ошиши осон, бўлиши мумкин.

УЗОҚ сўзининг синонимларини Sinonim.uz сайтида қидириб кўринг.

UZOQ сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

1953

Сўзнинг тескари ёзилиши

қозу

Ҳарфлар сони

Кўришлар сони

2693

узоқ сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абрў ача аббат Евроиттифоқ абсцисса Ғиждувоний ачин ачиштир Сатурн

узоқ сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, узоқ сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар