Izoh.uz сайтида хабар сўзининг изоҳи ва маънолари

хабар

Сўзни дўстлар
билан улашинг

от

1. Бирор кимса, нарса ёки ҳодиса ҳақидаги ахборот, дарак, билдириш.

Муҳаммад Аргуннинг хабарига кўра, душманнинг катта қўшини Раф-қондан ўтиб, Конибодом сари келаётган эди. Мирмуҳсин, Меъмор
Ойлар ўтди ва йиллар ўтди, Лекин сендан бўлмади хабар. Р. Парфи
Онаси, эртага барвақт боққа кўчишга тўғри келгани учун, тезроқ ётиб тинчиш кераклигини айтди. Гулнор бу хабарни жуда совуқ қарши олди. Ойбек, Танланган асарлар

2. Янгилик.

— Мулла Абдишукур, — Мирзакаримбой меҳмонлардан бирига мурожаат қилди, — оламда нима хабарлар бор, гапирсангиз-чи. Ойбек, Танланган асарлар

3. Кундалик матбуот, радио ва телевидение воситасида олинган ахборот, маълумот; мақола.

Кечалари ухламай радио карнайига қулоқ тутиб, олис фронтда бўлаётган хабарларни эшитарди. С. Аҳмад, Уфқ
Республиканинг етакчи газетасида хабар чоп эттиришга ҳар қандай журналист ҳам муяссар бўлавермайди. Ф. Мусажонов, Ҳиммат

хабар сўзи қатнашган жумлалар:

Ёмон (ёки совуқ, хунук, шум, қора) хабар

Нохуш, қўрқинчли, даҳшатли воқеа-ҳодиса ҳақидаги маълумот, дарак.

Ёмон хабарнинг қаноти енгил бўлади. Ж. Абдуллахонов, Орият
Бу совуқ хабар халқни бир чайқатди. С. Аҳмад, Уфқ
Кеча Андижондан хунук хабар келди: Рўзи охуннинг кенжасини чавақлаб кетишибди. К. Яшин, Ҳамза
У бир марта шундай шум хабарнинг дардини тортган. С. Аҳмад, Уфқ
Айниқса, дадамнинг кейинги хатларидаги қора хабар билан дунё кўзимга торайди. А. Қодирий, Ўтган кунлар

Хабар бермоқ

Хабардор қилмоқ; билдирмоқ.

Хизматчилар ҳожидўппи кийган бу дарвиш ҳақида бойга хабар бердилар. У. Исмоилов, Сайланма

Хабар олмоқ

Бирор кимса, нарса ёки ҳодиса ҳақидаги маълумотга ўз кўзи билан кўриб эта бўлмоқ; келиб кўрмоқ.

Нусратбек бўш вақти бўлганида, гоҳ кечаси, гоҳ кундузи бирров холасиникига келиб, ўғлидан хабар олиб кетади. С. Нуров, Майсаларни аёз урмайди
Мен нариги хоналардан бир хабар олай, шогирдлар нима қилаётган экан, кўздан кечириб қўяй. Х. Тўхтабоев, Ширин қовунлар мамлакати

Хабар топмоқ

Муайян воқеа-ҳодиса ҳақидаги ахборотни эшитмоқ, билиб олмоқ.

Умар полвон бундан хабар топиб, отасидан қолган бир парча ерларини сотиб бўлса ҳам, укасини Тозагулга уйлантирмоқчи эди. К. Яшин, Ҳамза
Бу воқеадан хабар топган ойиси уни [Хуршидни] қаттиқ жеркиганича бўш стулга ўтқазади. Н. Аминов, Қаҳқаҳа

Хабари бор

1. Хабардор, воқиф.

Завқийнинг ҳам кейинги пайтларда табибнинг оиласи четга суриб қўйилганидан хабари бор эди. К. Яшин, Ҳамза;

2. Бирор иш ёки ҳунарни биладиган.

Тикувчиликдан хабари бор қиз.

Хабари йўқ

Бирор нарса ҳақидаги маълумотни билмайдиган; бехабар.

Дилдорнинг бу гапдан хабари йўқ. С. Аҳмад, Уфқ
— Ботир ака, ўлимдан хабарим бор, бу гапдан хабарим йўқ, — деди қизариб Низомиддинов. С. Аҳмад, Ҳукм

Ҳолидан хабар олмоқ

Бемор, кекса, ёрдамга муҳтож кимсаларни бориб кўрмоқ; ёрдам бермоқ.

Ўзи эмасми, онамнинг ҳолидан хабар олиб туринг, сизга ишонаман, деб илтимос қилган Ў. Ҳошимов, Қалбингга қулоқ сол
Дадамга таҳорат суви берадиган, эрта-кеч ҳолидан хабар оладиган бир мўмин-маъқул заифа топилса, яхши бўларди. Ойбек, Танланган асарлар

ХАБАР сўзининг синонимларини Sinonim.uz сайтида қидириб кўринг.

XABAR сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

208

Сўзнинг тескари ёзилиши

рабах

Ҳарфлар сони

Кўришлар сони

3122

хабар сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абгор абстрактлаштирил Марс абонемент абзал абсолютизм аблаҳ аберрацион Болтиқбўйи

хабар сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, хабар сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар