хамиртуруш

1. Хамирни ошириш учун ишлатиладиган ачитқи.

1. Оби нон (уй нони) тайёрлаш учун 40 г хамиртуруш керак бўлади. К. Маҳмудов, Ўзбек тансиқ таомлари

2. кўчма Ўғит, гўнг.

1. Ер — хамир, ўғит — хамиртуруш. Мақол

3. кўчма Бирор нарсанинг бошланиши, юзага келиши ёки амалга ошиши учун асос ёки дастак бўладиган омил, пойдевор.

1. — Яхшидан боғ, ёмондан доғ, — деганларидек, ҳозирги боғимизга илк хамиртуруш ташлаган, қўлинг дард кўрмагур шу ота бўлади, — деди раис. М. Назаров, Жилвон жилвалари