етук
билан улашинг
1. Жисмоний жиҳатдан тўла ривожланган, камолотга эришган.
-
Тирқишдан мўраладим: Йўлчи, ҳам етук бир қиз. Ойбек, Танланган асарлар
-
Қирқ ҳа дегунча ўтиб ҳам кетди, Ўғлингнинг кўрсайдинг етук камолин. Ғ. Ғулом
2. Илм, ҳунар, тажриба ва бошқалар жиҳатлардан пишиб етган, етарли малакага эга, баркамол.
-
Етук олим. Етук мутахассис. Етук санъат-кор.
-
Бизда етук адабиёт муаллимлари борлигига ишонамиз. Газетадан
-
Мукаммал кўрмоқчи бўлдик дунёни, Етук бўлолмадик ўзимиз бироқ. А. Орипов, Йиллар армони
-
Буюк, етук одамлар камтар, камсуқум бўлишини бу доно қиз яхши биларди. Мирмуҳсин, Меъмор
3. Талаб, меъёр жиҳатидан мукаммал даражага эга, юқори савияли.
-
Етук бадиий асар.
-
Лутфий ғазаллари асосида яратилган мусамматлар Навоий томонидан Лутфийнинг юксак шоирлик иқтидорининг, етук бадиий маҳоратининг сўзсиз тан олинганлигига ишончли далилдир. ЎТА
ЕТУК сўзининг синонимларини Sinonim.uz сайтида қидириб кўринг.
YETUK сўзининг лотинча ёзилиши Lotin.uz сайти томонидан тақдим қилинган.
етук сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар