йигит

1. Жинсий ва жисмоний жиҳатдан вояга етган эркак.

1. Уларнинг бири йигирма ёшлардаги қотма, хипча йигит эди. И. Раҳим, Чин муҳаббат

2. Умуман, ёш эркак, ёш киши.

1. Мана шу ерда МТС ташкил қилинди-ю, бунга ўша пахта заводида ишлайдиган бир йигит каттакон бўлиб келди. А. Қаҳҳор, Қўшчинор чироқлари

3. кўчма Эр киши, жасур одам, мард.

1. Йигит сўзидан қайтмас, арслон — изидан. Мақол

2. Эр йигит бошига иш тушганда синалар. Мақол

3. Йигитнинг моли ерда. Мақол

4. сўзлашув тили (эгалик қўшимчаси билан) Қизнинг кўнгил қўйган кишиси, севгилиси.

1. Ҳой, менга қара, сенингча, йигити бор қиз биров билан гаплашмайдими? Шуҳрат, Шинелли йиллар

5. Бирор ҳарбий тўдага, гуруҳга мансуб бўлган эркак киши.

1. Орадан уч-тўрт дақиқа ўтгандан кейин, Камолон тарафидан бир юз чамалик саркарда ва йигитлари билан Азизбек кўринди. А. Қодирий, Ўтган кунлар

6. Ўзига нисбатан ёши кичик кишига мурожаат қилишда қўлланади.

1. Йигит, бу йўл қаёққа олиб боради?

2. Ҳай, ўт йигит, ҳалиги сўзларинг олтинга арзийди Ойбек, Танланган асарлар