chakki

1. Yomon; qoniqarsiz.

1. Bu yerda uning turmushi chakki boʻlmadi. S. Anorboyev, Oqsoy

2. — Gʻoʻzalarimiz chakki emas, — deydi polvon. A. Qodiriy, Obid ketmon

3. — Bashoratdan boshqa hammamiz umuman chakki baho olmadik, — dedi Zaynab. Sharq yulduzi

2. Nojoʻya, nooʻrin.

1. Chakki yursang, dakki yersan. Maqol

2. — Chakki gap aytgan boʻlsam, uzr, otaxon, — yigit xijolatda qolgan edi. Guldasta

3. Bekor, behuda.

1. Asli bugun ham chakki ovora boʻlgansiz. A. Qodiriy, Mehrobdan chayon

2. — Bu kishini chakki umidvor qilibsiz, mendan bir ogʻiz soʻrasangiz, yomon boʻlmas edi, — dedi kinoya bilan [direktor]. S. Karomatov, Hijron

chakki soʻzi qatnashgan jumlalar:

sheva, aynan Chakka II.

1. Chakki oʻtgan eski tomga oʻxshayman, Koʻzimdan yomgʻirlar toʻkilar tinmay. M. Yusuf