o‘tmish

1. Kishi, xalq hayotining oʻtgan qismi, shu oʻtgan davridagi hayoti.

1. Men yoshlikdan otamga qarashdim, poda boqdim, mashoq terdim qishlogʻimizda maktab ham yoʻq edi. Yoshlik

2. Oʻtmishni xotirlarkan, Yoʻlchi ogʻir xoʻrsindi. Oybek, Tanlangan asarlar

3. Goh oʻltirib, gohi yotib, bemalol Soʻzlar edi oʻtmishidan keksa chol. Habibiy

4. Muzeydagi eksponatlarda belorus xalqining oʻtmishini koʻrdik va yaqindan tanishdik. N. Safarov, Olovli izlar

2. Oʻtgan davr; kechmish, moziy va shu davrdagi kishilar (ajdodlar) hayoti.

1. Oʻtmishda ota-bobolarimiz ozmuncha togʻ qazishganmi, biz ham qaziymiz. M. Ismoiliy, Fargʻona tong otguncha

2. Ha, Oybek aka aytganday, Gʻafur Gʻulom oʻtmishga qarab bugunni, bugunning xulosasidan ertasini koʻra oladigan odamlardan edi. Shukrullo, Javohirlar sandigʻi

3. Maqtamasman moziyni, biroq, Oʻtmishingni oʻylayman bir zum. A. Oripov, Yurtim shamoli