oyoqla

1. Oxiriga yetib qolmoq, oxirlamoq.

1. Kuz oyoqlab qolib, holdan toygan-u, lekin oʻz oʻrnini hali qishga boʻshatib bermagan edi. S. Nurov, Narvon

2. Koʻklam oyoqlaganda kelib, oʻrik yeb ketinglar. Gazetadan.

2. kam qoʻll . Tarqalmoq, ovoza boʻlmoq, yurmoq.

1. El orasida uni Toshkentga olib ketib otib oʻldirishgani, keyin jarlikka uloqtirishgani haqidagi gaplar koʻp oyoqlabdi. Gazetadan

3. sheva Yoʻlga kirmoq, yura boshlamoq (goʻdak haqida).

1. Qishloq bolasi oyoqlabdiki, shu tepaga tirmashadi, shu tepada oʻynab oʻsadi. N. Norqobilov, Bekatdagi oq uycha