platforma

1. Temir yoʻl stansiyalarida passajirlarning poyezdga chiqish yoki tushishi, yuk tushirish yoki ortish uchun temir yoʻlga nisbatan balandroq qilib ishlangan uzun sahn, maydoncha.

1. Yuk platformasi. Yoʻlovchilar platformasi.

2. Platformadan chiqqandan soʻng Saidiy bulardan ajralib, qochish yoʻlini izladi va epini qilib qochdi. A. Qahhor, Sarob

2. Idish-qopsiz yuklar, konteynerlar tashiladigan, yon devorlari uncha baland boʻlmagan, usti ochiq yuk vagoni.

1. Platformalarga yuk ortmoq.

2. Yukdan boʻshagan platformalar yana bir kun bekor turdi. Yoshlik

3. siyos. Biror siyosiy partiya, ijtimoiy tashkilot yoki arbobning dunyoqarashi, maslagi, tutgan yoʻli, ish, harakat dasturi.

1. Meni ularning platformasi qiziqtiradi. T. Malik, Qaldirgʻoch

4. Uncha katta boʻlmagan stansiya.