plastinka

1. Metall, shisha kabi qattiq narsaning yupqa yalpoq parchasi, taxtasi.

1. Stakanning ogʻziga bir choʻp qoʻyib, unga rux plastinkaning bir uchini qayirib ilintiring-da, plastinkani eritmaga botirib qoʻying. Kimyo

2. Patefon, radiolaga qoʻyib eshitish uchun ovoz yozilgan, odatda plastmassadan yasaladigan doira shaklli yupqa disk.

1. Anorxon radiolaga plastinka tanlamoqda. I. Rahim, Ixlos

2. Tovushim yomon boʻlsa, nega plastinkaga oldi? A. Qahhor, Sanʼatkor

3. — Naʼlat, — deb oʻyladi u [Akbarali] yoʻlakay, — eski qoʻshiqni yangi plastinkaga koʻchiribdi. Y. Shamsharov, Tanlangan asarlar

3. Fotorasm olishda foydalaniladigan, sezuvchi modda bilan qoplangan oyna.

1. Plastinkaga olingan negativ.