Izoh.uz saytida qanoat so‘zining izohi va ma’nolari

qanoat

So‘zni do‘stlar
bilan ulashing

1. Ozga yoki borga koʻnish, bori bilan kifoyalanish, nafsi tiyiqlik bilan koʻpga, ortiqchalikka intilmaslik hissi.

Kambagʻalni sabr-u qanoat asraydi.
Qanoat qilmasa, sharmandaligi ortadi. Oybek, Tanlangan asarlar
Mutalga raislikni berib, oʻzi muovinlikka qanoat bildirgan chogʻlarda, Ravshan polvon Mutaldan umidi boshqa edi. O. Yoqubov, Larza

2. Mamnunlik, qoniqish hissi; mamnuniyat, qoniqish.

Pochchayev hammaning faqat oʻziga qarab qolganini ichida qanoat bilan qayd qilib, Jumanga yer ostidan qalaysan? deganday bir nazar tashlab qoʻydi. A. Muxtor, Tugʻilish
Qanoat axloqiy, irodaviy fazilatlar jumlasiga kiradi. Fan va turmush
Qanoat yoʻq yerda muruvvat yoʻq, muruvvat yoʻq yerda imon yoʻq. S. Siyoyev, Yorugʻlik

3. Ishonch, ishonish.

— Bu siringizni mendan yashirmoqchi boʻlasiz, — dedi tamom qanoat bilan Hasanali, chunki endi oʻz kashfiga juda ishongan edi. A. Qodiriy, Oʻtgan kunlar

qanoat soʻzi qatnashgan jumlalar:

Qanoat qilmoq

Oʻzini qanoatda tutmoq, boriga sabr qilmoq, bori bilan kifoyalanmoq.

Ovqat ustida boshini egib, oldiga surib qoʻyishganiga qanoat qilardi. R. Fayziy, Hazrati inson
Nusratbekning qoʻshimcha daromad qidirmay, maoshga qanoat qilib yurganiga hali ham tushuna olmasdi. S. Nurov, Narvon
Zargarov qiyqirib kuldi, chapak chaldi va bunga ham qanoat qilmay, oʻrnidan turib oʻyinga tushdi. A. Qahhor, Ogʻriq tishlar

Qanoat hosil qilmoq

1. Qoniqish hosil qilmoq; kifoyalanmoq, cheklanmoq.

Lekin Ibn Sino bu qissani yozishda Qurʼonda keltirilgan naql bilan qanoat hosil qilmagan koʻrinadi. Gazetadan

2. Rozi boʻlmoq, mamnun, xursand boʻlmoq.

Uning gapidan hayotga toʻymaganlik, oʻtgan umridan qanoat hosil etmaganlik koʻrinib turardi. Shuhrat, Shinelli yillar

3. Ishonmoq, ishonch hosil qilmoq.

Boyagi soʻzlarni tushida emas, oʻngida eshitganiga qanoat hosil qilgandan keyin soʻradi: — Siz Razzoqni bilasizmi, oʻgʻlim? H. Gʻulom, Mashʼal
Istat bibining uxlab yotganiga qanoat hosil qilgach, hovli burchagidagi darchadan chorboqqa oʻtdi. S. Karomatov, Soʻnggi barxan

QANOAT so‘zining sinonimlarini Sinonim.uz saytida qidirib ko‘ring.

ҚАНОАТ so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

11739

So‘zning teskari yozilishi

taonaq

Harflar soni

Ko‘rishlar soni

962

qanoat so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

Orolbo‘yi abadiyat abjad abraziv abstraksiya abzal achimsiq G‘ijduvoniy achchiqtosh

qanoat so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, qanoat so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar

Hammasini ko‘rish

Izoh.uz loyihasi haqida

Izoh.uz — O‘zbek tilining xalqona izohli lug‘ati 35 000 dan ortiq so‘zlarning ma’nolari ibora va misollar bilan keltirilgan.

Yillar davomida “O‘zbek tili kuni”ga bag‘ishlab, o‘zbek tilini o‘rganuvchilar, jurnalistlar, tarjimonlar, kopirayterlar, blogerlar va boshqalar uchun foydali loyihalarni ishga tushirishni an’anaga aylantirganmiz. Bizning jamoa Lotin.uz, Imlo.uz, Sinonim.uz, Sarlavha.com loyihalarini hukmingizga havola qilgan.

Batafsil Izoh.uz loyihasi haqida