qanshar

1. Burunning ikki qosh oʻrtasidagi yuqori qismi.

1. Qanshari past,

2. Qansharida koʻzoynak ham paydo boʻlib qolibdi. S. Anorboyev, Guldasta

3. Oyna opa ichki bir titroq tovush bilan ingrandi. Qansharida ikki qat ajin boʻrtdi. Sh. Xolmirzayev, Toʻlqinlar

4. Butoqlarga qansharini ursinmi, peshonasinimi? I. Rahim, Chin muhabbat

2. koʻchma kam qoʻll. Narsalarning peshonasi, oldinga turtib chiqqan joyi.

1. Yuzaki Karaganda, bu kashfiyot dizel traktorining qanshariga ulab qoʻyilgan qandaydir ortiqcha daxmazadan hech farqi yoʻq. J. Abdullaxonov, Yoʻl

2. Koʻzga tashlanadigan bir tepalikning qansharini tushirib yubordi. Shuhrat, Shinelli yillar