Izoh.uz saytida qarshi so‘zining izohi va ma’nolari

qarshi

So‘zni do‘stlar
bilan ulashing

sifat

1. Tarafdor boʻlmagan, tarafdor emas, maʼqul deb bilmaydigan, zid fikrdagi.

Ikkinchi uylanishga Otabek butunlay qarshi boʻlib, faqat bu qudalarning-gina ishlaridir. A. Qodiriy, Oʻtgan kunlar
Shanbalikka koʻp odam kelishiga qarshisan A. Qahhor, Qanotsiz chittak
men ham Kumushni Toshkent yubormoqqa qarshiman. A. Qodiriy, Oʻtgan kunlar

2. Xilof, ziddiga ish tutuvchi; muxolif yoki dushman.

Qarshi tomonlar. Qarshi kuchlar.
Ustoz Qavom shunday moʻtabar zotning farzandi saltanatga qarshi boʻlgani, nobakor chiqqaniga afsuslanadi. Mirmuhsin, Meʼmor

3. Boshqasini inkor etadigan, uning ziddi boʻlgan.

Bir-biriga qarshi fikrlar. Qonunga qarshi xatti-harakatlar.
Boʻtaboy akamga qarshi gapirsam ham mayligami? A. Qahhor, Qoʻshchinor chiroqlari

4. Roʻbaroʻ joylashgan yoki yoʻnalgan; qarama-qarshi, roʻbaroʻ.

Qarshi oqim. Qarshi shamol. Koʻchaning qarshi tomoni. Qarshida turgan odam. Qarshidagi bogʻ.
Oyqiz qarshi tomondan kelgan shamol-toʻpolonni yorib, hamon oldinga intilardi. Sh. Rashidov, Boʻrondan kuchli
Yotoqxona oldiga kelganimizda bir bola qarshimizdan chiqib qoldi. Oʻ. Umarbekov, Shonli avlod
Otabek uchun eng nozik sa
nalgan bu masala qarshidagi javob kutib oʻtirguvchilarni nihoyat zeriktirdi. A. Qodiriy, Oʻtgan kunlar

5. (j.k. bilan — -ga qarshi) koʻm. vzf.

6. 1) zidlik (zidlash) munosabatini bildiradi; zid (xilof) holda.

Uning ovozi istagiga qarshi baland jaranglamadi. Oybek, Tanlangan asarlar
Qutidor, odatiga qarshi, bozordan kunduz soat uchlarda qaytib keldi-da, Otabekni soʻradi. A. Qodiriy, Oʻtgan kunlar
Endi adolatga qarshi xiyonat qilish yarashmaydi. Oybek, Tanlangan asarlar;

7. 2) oʻzi birikib kelgan soʻz anglatgan narsani daf etish, yoʻq qilish, oldini olish va sh.k. ga qaratilganlik maʼnosini bildiradi.

Ichkilikbozlikka qarshi kurash. Hasharotlarga qarshi dori sepmoq.
Kasalning oldini olish choralaridan eng muhimi vaqtida tepkiga qarshi emlatishdir. Saodat

8. koʻm. vzf. esk. ayn. (3-sh. ega/shk va oʻ.-p. k. shaklida, b.k. bilan — qarshisida) oldida

Shuning uchun kutmagan hol qarshisida bir oz dovdirab qoldi. Oybek, Tanlangan asarlar
Inobatxon kutilmagan bu achchiq muomala qarshisida borliq-yoʻqliq holda qoldi. Mushtum

qarshi soʻzi qatnashgan jumlalar:

Baxtga qarshi

Qarshi ataka

Besh marta qarshi ataka qilib, hech ish chiqara olmagandan keyin A. Qahhor, Oltin yulduz

Qarshi bormoq

Qarshi ish tutmoq, qarshi harakat qilmoq.

Umrimda birinchi martaba koʻngil orzusiga qarshi bor-dim. A. Qodiriy, Oʻtgan kunlar
Erining raʼyiga qarshi borishdan foyda yoʻqligini bildi. Oybek, Tanlangan asarlar

Qarshi kelmoq

1. Zid boʻlmoq, xilof boʻlib tushmoq.

Ularning javoblari kechagi sizning oqlashingizga sira qarshi kelmaydir. A. Qodiriy, Oʻtgan kunlar

2. Duch kelmoq, roʻbaroʻ kelmoq, yuzma-yuz uchrashmoq.

Ular bogʻdan chiqish oldida bir yigitga qarshi keldilar. Oybek, Tanlangan asarlar

Qarshi olmoq

1. Kutib olmoq, qarshilamoq (tashrif buyuruvchini).

Birov tund, birov ochiq chehra bilan qarshi oldi mehmonlarni. F. Musajonov, Himmat

2. Biror ish, tadbir, taklif va shu kabilarga nisbatan oʻz munosabatini bildirmoq.

Gulnor bu xabarni juda sovuq qarshi oldi. Oybek, Tanlangan asarlar

Qarshi turmoq

Qarshi chiqib, monelik koʻrsatmoq, toʻsqinlik qilmoq.

Dadasining uylanishiga qarshi turish uchun hech qanday asos topa olmadi. Oybek, Tanlangan asarlar

Qarshi tushmoq

eskirgan, aynan Qarshi turmoq.

Uning [Hasanalining] bu fikriga Kumush bilan onasi qarshi tushdilar. A. Qodiriy, Oʻtgan kunlar

Qarshi chiqmoq

1. Peshvoz chiqmoq, kutib olmoq;

2. Qarshilik bildirmoq, qarshi boʻlmoq.

Mexanizatsiyaga qarshi chiqishlar boʻlib turadimi, boʻlsa — qarshi chiqqan odamlarning dalil va isbotlari nimalardan iborat? A. Qahhor, Kartina

Qarshi quda

Oʻzaro qiz berib, qiz olishgan qudalar (bir-biriga nisbatan).

Qarshi quymoq

1. Birini ikkinchisiga qarama-qarshi, muxolif, zid qilib qoʻymoq.

Yormat Yoʻlchini oʻz qoʻltigʻiga olib, boshqalarga qarshi qoʻyishni istar edi. Oybek, Tanlangan asarlar

2. Birini ikkinchisiga qaratib, roʻbaroʻ qilib qoʻymoq.

Qarshi hujum

Dushmanning hujumini daf qilish, unga javoban qilinadigan hujum.

Dushman jon holatda bor kuchini qarshi hujumga tashladi. Gazetadan

Har ehtimolga qarshi

QARSHI so‘zining sinonimlarini Sinonim.uz saytida qidirib ko‘ring.

ҚАРШИ so‘zining kirillcha yozilishi Lotin.uz sayti tomonidan taqdim qilingan.

Ro‘yxatga qo‘shish

Saytdagi o‘rni

2634

So‘zning teskari yozilishi

ihsraq

Harflar soni

Ko‘rishlar soni

1458

qarshi so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

abbat Shekspir abadiy abssess abadulabad Avesto abadiylik ablah Jo‘qorg‘i Kenges

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar