Izoh.uz saytida xayol so‘zining izohi va ma’nolari

xayol

So‘zni do‘stlar
bilan ulashing

1. Oʻylash, fikrlash jarayoni; oʻy, fikr.

Har kallada ming xayol. Maqol
[Ibn Yaminning] Xayolida qoʻrqinchli fikrlar aylanardi. K. Yashin, Hamza
Yosh shoir doʻstlarimga tinchimas xayol, ilhom zavqlari tilayman. Gazetadan

2. Tasavvur.

Gulnorning koʻzlari, yuzi yolgʻiz Yoʻlchining xayollaridagina kuladi, jilvalanadi. Oybek, Tanlangan asarlar
[Boburning] Xasta xayolida birdan qilich tutgan Tanbal gavdalandi. P. Qodirov, Yulduzli tunlar

3. Orzu, fantaziya.

Istiqbolning shirin xayollariga koʻmilgan holda maxdum asr namozi uchun tahorat olar edi. A. Qodiriy, Mehrobdan chayon
Ammo oʻz elimga qaytib koʻrdimki, Shamayda oʻylaganlarim, oshiqqanlarim shirin bir xayol emish! A. Qodiriy, Oʻtgan kunlar

4. Es, xotira.

Oʻshanda bu qiz uning [Yod-gorning] nazarida farishtadek jonlangan, xayolida allanechuk muqaddas bir iz qoldirgan edi. Oʻ. Hoshimov, Qalbingga quloq sol
Xayolim meni uzoq oʻtmishga olib ketadi. Gazetadan

xayol soʻzi qatnashgan jumlalar:

...degan xayolda yoki ...degan xayol bilan

1. Fikran muayyan xulosaga kelib; shunday deb oʻylab.

Bir ozdan keyin balkon eshigi gʻiyqillab ochilib, yopildi. U Tamila opami, Zokirjonmi, degan xayolda qayrilib qaramadi. Oʻ. Hoshimov, Qalbingga quloq sol
Sidiqjon uni [bolani] albatta bir nima chaqdi, degan xayolda tura solib yugurdi. A. Qahhor, Qoʻshchinor chiroqlari

2. Biror maqsadda.

U [chol], uyimning buzilishini koʻrmay, degan xayolda orqasini oʻgirgach oʻt yoqa boshladi. Oʻ. Usmonov, Sirli sohil

Puch xayol

Amalga oshmaydigan, xom xayol.

Ammo oliy maktab orzusi men uchun yolgʻiz puch xayol boʻlsa ham, undan voz kecha olmadim. Oybek, Nur qidirib

Xayol olib ketmoq (yoki qochmoq)

Saodatxonni yana xayol olib ketdi. S. Zunnunova, Yangi direktor

Xayol surmoq

Oʻylamoq, fikrlamoq.

Pastakkina ayvon yonida oʻrta yoshlardagi bir odam., xayol surib tikka turibdi. S. Zunnunova, Olov

Xayol qilmoq

1. Oʻylamoq.

Madrasa qurilishida bir ishkallik chiqmadimikin, deb xayol qildi u [Qavom]. Mirmuhsin, Meʼmor;

2. Orzu qilmoq.

U [Yoʻlchi] dam oʻylab, xafa boʻladi, dam ancha pul yuborib, onasini sevintirishni xayol qiladi. Oybek, Tanlangan asarlar;

3. Tasavvur qilmoq.

Rafqon va Shoʻrsuv dashti-da dushman bilan toʻqnashuvni xayol qilib, [Ahmad mirzo] Rafqon tekisligiga borgoh qurdi. Mirmuhsin, Meʼmor

Xayolga botmoq (yoki tolmoq, choʻmmoq)

Uzoq vaqt chuqur oʻylanish holatida boʻlmoq.

Dumaloq stol ortida bir odam xayolga choʻmib oʻtiribdi.
Rasuljon hozirgina oʻqib boʻlgan xatning bir chetidan ushlaganicha, xayolga botgan edi. J. Abdullaxonov, Xonadon
[Avazning] Tushidagi ishoralar uni xayolga toldirgan edi. S. Siyoyev, Yorugʻlik

Xayolga kelmoq

Esga, xotiraga tushmoq, xotirada tiklanmoq.

Xayoliga kelgan hamma narsani Gavharga bir-bir aytib berdi. P. Qodirov, Uch ildiz
Koʻpdan beri xayolimga kelmagan narsalarni esimga solib qoʻygani uchunmi, u bilan bahslashgani soʻz topolmay qoldim. I. Rahim, Hilola

Xayol(i)ga (ham) keltirmaslik

1. Tasavvur qila olmaslik.

Rad javobi olish qanchalik ogʻir ekanini sen xayolingga ham keltirmaysan. X. Sultonov, Onamning yurti;

2. Biror narsani maqsad qilib qoʻymagan, u haqda oʻylab koʻrmagan.

Mirzakarimboy yerga oʻch odam edi. Hatto yer sotishni xayoliga keltirmagan odamlarning yerlarini oʻzinikiga qoʻshish uchun hech nimadan toymas edi. Oybek, Tanlangan asarlar;

3. Kutmagan, oldindan bilmagan.

Doktor, Hamzani bu yerda uchratishni xayoliga ham keltirmagandi. K. Yashin, Hamza

Xayoldan ketmaslik

Bot-bot yoki doimo xayolda gavdalanmoq.

Ammo tushlik paytgacha Iblis xayolimdan nari ketmadi. X. Toʻxtaboyev, Shirin qovunlar mamlakati
Avazning xayolidan bir-biridan mashʼum, yurakni tilka-pora qiluvchi manzaralar ketmay qoldi. S. Siyoyev, Yorugʻlik

Xayol(i)dan kechmoq (yoki oʻtmoq)

Maʼlum bir muddat biror narsa toʻgʻrisida oʻylamoq, fikrlamoq.

Shu bilan birga uning xayolidan gʻalati fikrlar ham kechib turdi. P. Tursun, Oʻqituvchi
Har ikkalasi ham har bir ikir-chikirni xayolidan kechirib biron narsa topishga urinar edi. A. Qahhor, Qoʻshchinor chiroqlari
Negadir [Charosning] xayolidan Dilshod aytgan degan fikr lip etib oʻtdi. Oʻ. Hoshimov, Qalbingga quloq sol

Xayol(i)dan koʻtarilmoq

Esidan chiqmoq.

Kitobni kutubxonaga topshirish xayolimdan koʻtarilibdi.

Xayoli joyida emas

Ruhan bezovta, oʻy-fikri tarqoq.

Bolam boyoqish notinchroq boʻlib qoldi. Xayoli ham joyida emas. Mirmuhsin, Meʼmor

Chodir xayol

eskirgan Qoʻgʻirchoq teatri.

Har xil xayolga bormoq

1. Shubhalanmoq, yomon fikrga bormoq.

[Nigorani] Shu qadar koʻrgisi keladiki! Biroq kech boʻlib qoldi. Uy egalari har xil xayolga borishlari mumkin. S. Anorboyev, Oqsoy;

2. Biror narsadan tashvishlanmoq; xavotir olmoq.

[Stepan Sokolov:] Keldinglarmi Nega shuncha qolib ketdilaringiz, har xil xayolga borib, hayron boʻlib turgandim. K. Yashin, Hamza

XAYOL so‘zining sinonimlarini Sinonim.uz saytida qidirib ko‘ring.

ХАЁЛ so‘zining kirillcha yozilishi Lotin.uz sayti tomonidan taqdim qilingan.

Saytdagi o‘rni

113

So‘zning teskari yozilishi

loyax

Harflar soni

Ko‘rishlar soni

5750

xayol so‘zi ishlatilgan saytlarni internetda qidiring

Google Яндекс Bing

Siz uchun qiziq bo‘lishi mumkin bo‘lgan so‘zlar

ablahlarcha Avesto abjir abro‘ aʼlochi abr Boltiqbo‘yi abzalla abonent

xayol so‘zining ma’nosi va izohi bilan batafsil tanishib chiqamiz. O‘ylaymizki, endi siz Izoh.uz saytidan foydalanib, xayol so‘zini lotin va kirill alifbosida to‘g‘ri va o‘z o‘rnida ishlata olasiz.

Alifbo bo‘yicha

A B D E F G H I J K L M N O P Q R S T U V X Y Z O‘ G‘ Sh Ch

Izohli lugʻat Savodxon loyihasi bilan hamkorlikda yaratildi. Savodxon dasturi matndagi imlo xatolarini aniqlash va tuzatishga imkon beradi.

Batafsil

Tasodifiy so‘zlar

Hammasini ko‘rish

Yangi so'zlar