xursand

1. Hayotdan juda mamnun, kayfiyati juda yaxshi; shod, xurram; xushchaqchaq.

1. Ozod yoshlarning ruhlari tetik va oʻzlari xursand edilar. N. Fozilov, Diydor

2. Oyim azbaroyi xursand boʻlganidan: — Barakalla, oʻgʻlim! — deb yelkamga qoqib qoʻydi. H. Nazir, Yonar daryo

2. Biror kimsadan yoki narsadan qanoat hosil qilgan; mamnun, rozi, minnatdor.

1. Shu yoʻsin Nodira, Mohlar oyimdan juda xursand boʻlgani holda, uyiga qaytdi. A. Qodiriy, Mehrobdan chayon

2. Elmurod uni [Davlatyorni] shunday sharoitda uchratganidan xursand boʻldi P. Tursun, Oʻqituvchi

3. Xursand (erkaklar va xotin-qizlar ismi).