yelkan

1. Kema machtasiga oʻrnatilgan, shamol kuchi bilan kemani yurgizadigan katta keng chodir.

1. Yelkanni koʻtarmoq.

2. Baʼzilari yelkan yamaydi, Keksa oshpaz charxlaydi pichoq. E. Rahim, Yangi qadam

2. Shunday chodir yordamida harakat qiladigan, yelkanli kema.

1. Ochiq dengiz ustidan yengil shamol yelmoqda, Huv oqarib uzoqdan, yolgʻiz yelkan kelmoqda. Z. Diyor

3. koʻchma Yelkanga oʻxshash, unga nisbatli narsa.

1. Ikki kapalak keng yelkan yoyib koʻtarildi-yu, sal oʻtmay koʻzdan gʻoyib boʻldi. J. Abdullaxonov, Oriyat