yo‘l-yo‘riq

1. Biror ish, tadbirni amalga oshirish tartib-qoidalari majmui.

1. Kimni kolxozga olish, kimni kolxozdan chiqarish kolxozchilarning oʻz ixtiyorida. Buning oʻz yoʻl-yoʻrigʻi bor. Oʻrtoq Samandarov ana shu yoʻl-yoʻriqni buzganlar deydilar, xolos. A. Qahhor, Qoʻshchinor chiroqlari

2. Biz buning yoʻl-yoʻrigʻini sudlardan soʻrab-soʻrab, oʻzimiz ham yarim-yalpi sud boʻlib qolganmiz. Hamza, Paranji sirlari

2. Bajarish tartibi, yoʻli haqidagi fikr, gap, koʻrsatma.

1. Hamma jim boʻldi. Oʻtirganlar vaziri buzruk tomon qarab, undan qandaydir yoʻl-yoʻriq kutdi. J. Sharipov, Xorazm

2. Toʻlqin olimlardan yoʻl-yoʻriq soʻrab, maslahat olib keldi. E. Usmonov, Yolqin

3. Ish-topshiriq, bajariladigan ishlar haqida koʻrsatma; buyruq.

1. U kishining yoʻl-yoʻriqlarini bizlar hech qanday gap-soʻzsiz bajo keltiramiz. K. Yashin, Hamza