yo‘l

1. Odamlar, jonivorlar va boshqalar narsalar qatnovi natijasida yer sathida iz bosilib hosil boʻlgan uzun, davomli qism, qatnov qismi.

1. Soʻqmoq yoʻl. Qirdagi har to-monga ketgan yoʻllar.

2. Yoʻl adirning eng yotiq yeridan tushgan boʻlsa ham, Turgʻunoy tizzasini ushlab, zoʻrgʻa qadam bosardi. A. Qahhor, Maston

3. Choʻlning yoʻli ingichka Boychechak

4. Dovon orqali bitta ot yoʻli bor, xolos. Shu tor yoʻldan Afgʻonistonga oʻtsa ham boʻladi. K. Yashin, Hamza

2. Umuman, kishilar yoki transport kat-novi uchun maxsus belgilangan yer boʻlagi.

1. Avtomashina qatnaydigan yoʻl. Asfalt yoʻl. Tosh yoʻl. Uzoq yoʻl.

2. Mashina yoʻlini kesib oʻtayotgan podaga signal berganda, choʻchib oʻziga keldi-yu, atrofga qaradi. S. Ahmad, Yulduz

3. Mehmonxona yonidagi yer osti yoʻlidan oʻtib, gulzor maydonga chiqishdi. Oʻ. Hoshimov, Qalbingga quloq sol

3. Kema va samolyotlar qatnashi uchun maxsus belgilab qoʻyilgan yoʻnalish, trassa.

1. Suv yoʻli. Havo yoʻli.

4. Yoʻnalishdagi harakat jarayoni, yoʻlda davom etayotgan yurish.

1. [Xotin] Kumushga qarab davom etdi: Anu kungi soʻzingiz bilan, yoʻldan qayrilib kirgan edim. A. Qodiriy, Oʻtgan kunlar

2. Oʻrmonjon yoʻl boʻyi gapirmadi A. Qahhor, Qoʻshchinor chiroqlari

3. Men uning uchun bir ziyoratchi, nazrini beraman-u, yoʻlimga ketaveraman. K. Yashin, Hamza

4. — Zarari yoʻq, — dedi Meʼmor. — Buni yoʻl mashaqqati deymiz. Mirmuhsin, Meʼmor

5. Yurish, qatnov yoʻnalishi.

1. Birov Xotiningni ukang nikohlab oldi, uyga bormay qoʻya qol! degan ekan, u ham yoʻlni boshqa yoqqa soldirib ketibdi. A. Qahhor, Qoʻshchinor chiroqlari

6. Biror joy, makonga sayohat yoki boshqa maqsadda qilinadigan yurish; safar.

1. Yoʻl anjomlari. Yoʻlga hozirlanmoq. Yoʻlga chiq-sang, yoʻldoshing boʻlsin. Maqol

2. [Otabek] Bu soʻroqni oʻz-oʻziga ham berib koʻrmagan, goʻyo burungidek Margʻilon yoʻliga oshiqib hozirla-nar edi. A. Qodiriy, Oʻtgan kunlar

3. Shoh Mashrab yoʻlga chiqsalar, xudoning qudrati bilan, yerning tanobi tortilib, yoʻl qisqarar ekan. Oybek, Tanlangan asarlar

7. Bosib oʻtiladigan oraliq; masofa.

1. Bundan buyon mototsikl yoʻlingizni yaqin qiladi. S. Anorboyev, Toʻrtkoʻzning boshidan kechirganlari

2. U Miyon Qudrat hazratni ziyorat qilish uchun ozmuncha yoʻlni piyoda bosib keldimi? K. Yashin, Hamza

8. Maʼlum bir transport vositasi uchun yoʻnalish qurilmasi.

1. Temir yoʻl. Tramvay yoʻli.

2. Poyezd yoʻli mayda tosh, Boyning qizi qalamqosh. Boychechak

9. Ayrim narsalarning yoʻnalish chizigʻi, joy oraligʻi.

1. Nafas yoʻli. Siydik yoʻli. Xas-xashaklar suv yoʻlini toʻsib qoʻyibdi.

10. Biror narsaga, yuzaga tortilgan, tushirilgan chiziq, iz.

1. Bir yoʻli oq, bir yoʻli moshrang beqasam.

2. Eshikda tikkasiga oq va qora yoʻllardan iborat pijama kiygan, boshyalang Azimboyev koʻrindi. Guldasta

11. Qator, satr; misra.

1. Bir necha yoʻl xat.

2. [Anvar Raʼnoga:] Mening yozganimni sen uyat qilmasang, men ham sening yozganingni uyat qilmayman. Lekin shart shuki, mening ikki yoʻlimga javob boʻlsin. A. Qodiriy, Mehrobdan chayon

12. koʻchma Biror narsaning yoʻnalish, kelish-ketish oqimi, yoʻnalishi.

1. Hayot oʻz yoʻlidan borar, bahor bolalarga oʻz quvonchi, oʻz shodliklarini saxiylik bilan taqdim etgan edi. Oʻ. Hoshimov, Qalbingga quloq sol

2. Hamza haqiqat yoʻlidan, maʼrifat yoʻlidan, Furqat vasiyat qilgan yoʻldan boradi. K. Yashin, Hamza

13. Faoliyatda amal tarzi, qilinadigan, tutiladigan ish-amal.

1. Hozir senlarga ikki yoʻl: oʻgʻil, qizingni sotib boʻlsa ham, oʻttiz ikki tangani Azizbek xazinasiga toʻlash yoki es borida etakni yopib, Azizbekni oradan koʻtarish A. Qodiriy, Oʻtgan kunlar

2. Taqdirdan shikoyat qilmadim sira, Sizga ham shu yoʻlni maslahat koʻrdim. Shuhrat

3. Ikkisining yoʻli ham gumrohlikdan boshqa narsa emas. Biri yigʻib oʻlgan, biri yeb oʻladi. Oybek, Tanlangan asarlar

14. Kuy, qoʻshiq va shu kabilarda oʻziga xos usul.

1. Orzu-yu armonimni sheʼriy yoʻlda qaytadan Soʻzlab turibman, balki yoshlik boʻlib bahona. A. Oripov

2. Zebi kirib, mayda yoʻllardan birini oldi. Dutorning ovoziga endigina oʻz ovozini qoʻshaman deganda, tashqaridan mingboshini chaqirdilar. Choʻlpon, Kecha va kunduz

15. Imkon chorasi.

1. Hech boʻlmasa, jonni saqla edi sen, Bir yoʻl topib qochmoq kerak bu eldan. H. Olimjon

2. Sodiqjon boyvachcha changaliga tushgan qizning kimligini bilgisi keldi. Ammo soʻrab bilishning hozir asti yoʻli yoʻq edi. K. Yashin, Hamza

16. koʻm. vzf. (asosan oʻrin-payt kelishigida — yoʻlida) Sabab, maqsad kabi maʼnolarni bildiradi; bora(si)da, uchun.

1. Kimiki xalq yoʻlida, xalq gʻamida ter toʻksa, qoʻli hamma yerda baland boʻlsin M. Ismoiliy, Fargʻona tong otguncha

2. Shuning uchun ham senga yetishmoq yoʻlida jonni xatarga qoʻyib, kecha-kunduz yugurganman-da K. Yashin, Hamza

3. Oʻquvchilarni joʻshqin mehnat faoliyatiga tayyorlash yoʻlidagi izlanishlarimiz hozirning oʻzida oʻz samarasini bermoqda. Gazetadan

yo‘l soʻzi qatnashgan jumlalar: