йўл-йўриқ

1. Бирор иш, тадбирни амалга ошириш тартиб-қоидалари мажмуи.

1. Кимни колхозга олиш, кимни колхоздан чиқариш колхозчиларнинг ўз ихтиёрида. Бунинг ўз йўл-йўриғи бор. Ўртоқ Самандаров ана шу йўл-йўриқни бузганлар дейдилар, холос. А. Қаҳҳор, Қўшчинор чироқлари

2. Биз бунинг йўл-йўриғини судлардан сўраб-сўраб, ўзимиз ҳам ярим-ялпи суд бўлиб қолганмиз. Ҳамза, Паранжи сирлари

2. Бажариш тартиби, йўли ҳақидаги фикр, гап, кўрсатма.

1. Ҳамма жим бўлди. Ўтирганлар вазири бузрук томон қараб, ундан қандайдир йўл-йўриқ кутди. Ж. Шарипов, Хоразм

2. Тўлқин олимлардан йўл-йўриқ сўраб, маслаҳат олиб келди. Э. Усмонов, Ёлқин

3. Иш-топшириқ, бажариладиган ишлар ҳақида кўрсатма; буйруқ.

1. У кишининг йўл-йўриқларини бизлар ҳеч қандай гап-сўзсиз бажо келтирамиз. К. Яшин, Ҳамза