авж
билан улашинг
1. Ривож олиш, ўсиш (ўсимлик, дарахт кабиларга нисбатан).
-
Биринчи қадамда, биринчи бўлиб, Экилган чигитнинг авжини кўрсам, Битта туп ғўзанинг мавжини кўрсам. Ё. Мирзо
2. Энг юқори(си).
-
Муборак Ўзбекистон, осмон авжида парвозинг. Муборак сенга истиқлол, баландроқ янграсин созинг. Воқиф
-
Бу роман ижодининг авж нуқтасини ташкил қилувчи асар бўлмоғи керак эди. Газетадан
3. мусиқа Куй ёки қўшиқдаги энг юқори нота.
-
Қизлар айтса қўшиқни авжни талашиб, Маставага қатиқдай гапга тиқилар. Ғ. Ғулом
-
Бу қўшиқ гоҳо авж пардаларда, гоҳо пастроқ оҳангларда жаранглаб туради. Газетадан
авж сўзи қатнашган жумлалар:
Авж олмоқ
-
Кўчат яхши авж олмаяпти. Ҳаво исиши билан экинлар авж ола бошлади.
-
Қўшимча ўғитланган ғўзалар сувдан чиққач, жуда авж олиб кетди. Р. Азизхўжаев, Яшил чайла
-
Фонд бозори шаклланиб, қимматли қоғозлар савдоси авж оляпти. Газетадан
-
Давлати халқига, халқи давлатига қайишган мамлакатлардагина тараққиёт авж олади. Газетадан
-
Инсоният қонунларсиз яшолмайди. Акс ҳолда, унинг ҳуқуқи поймол бўлади, адолатсизлик авж олади. Газетадан
Авжига чиқмоқ (ёки авжига минмоқ)
-
Ўйин-кулги, хурсандчилик авжига чиқяпти.
-
Мамлакатда порахўрлик кучайди, хон-беклар зулми авжига минди. Ж. Шарипов, Хоразм
АВЖ сўзининг синонимларини Sinonim.uz сайтида қидириб кўринг.
AVJ сўзининг лотинча ёзилиши Lotin.uz сайти томонидан тақдим қилинган.
авж сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
