айт
билан улашинг
1. Оғзаки (гап билан) маълум қилмоқ, билдирмоқ.
-
Ростини айтмоқ. Ўз мулоҳазаларини айтмоқ. Узр айтмоқ. Бетга айтганнинг заҳри йўқ. Мақол
2. Ёддан оғзаки баён қилмоқ, сўзламоқ (эртак, ҳикоя ва шу кабилар ҳақида).
-
Эртак айтмоқ. Топишмоқ айтмоқ. Шеър айтмоқ.
-
Зерикмайман кеча афсона айтсам. Ҳабибий
3. Талаффуз қилмоқ.
-
Мўйлови майса бўлиб қолган кап-катта йигитнинг р ни айта олмаслиги Элмуродга ғалати туюлди. П. Турсун, Ўқитувчи
4. Таклиф этмоқ, чақирмоқ.
-
Тўйга айтмоқ. Ҳашарга айтмоқ. Айтмаган ерга борма, айтган ердан қолма. Мақол
-
Айтмаган қўноқ — йўнмаган таёқ. Мақол
-
Маҳалладан ҳам уч-тўрт киши айтдим, ошни кўпроқ қилиш керак. А. Қодирий, Ўтган кунлар
5. ёрд. фл. взф. Боғлама вазифасини бажаради.
-
— Қиморбоз деб кимни айтасиз? — оғзидаги оши билан ғўлдиради Қамбар. Ойбек, Танланган асарлар
айт сўзи қатнашган жумлалар:
Айтинг-айтинг
-
Айтинг-айтинг, биз боргунча, кетиб қолишмасин.
-
Айтинг-айтинг, ҳеч ким эл назаридан қолмасин. Газетадан
Айтмайсизми ёки айтинг
-
Ширинлигини айтмайсизми. Одоблилигини айтинг.
Шуни айтинг ёки нимасини айтасиз ёки секинроқ айтасизми
-
— Шуни айтинг, — деди Амин бува ҳам кулиб. — Сув ўзини жуда азиз қилиб юборди. М. Исмоилий, Фарғона тонг отгунча
-
Эй, нимасини айтасиз, дугонажон, алоҳида уй олмасам бўлмайди. Газетадан
-
Одамохун, деб секинроқ айтасизми А. Қодирий, Ғирвонлик Маллавой
Айтгани айтган, дегани деган
-
Онаси умрида эрига тик гапирмаган хотин эрининг айтгани айтган, дегани деган. И. Раҳим, Чин муҳаббат
-
Маслаҳатга кўнмайди. Айтганим айтган, деганим деган, деб туриб олади. П. Турсун, Ўқитувчи
Айтган жойидан кесади
АЙТ сўзининг синонимларини Sinonim.uz сайтида қидириб кўринг.
AYT сўзининг лотинча ёзилиши Lotin.uz сайти томонидан тақдим қилинган.
айт сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
