бот-бот

1. равиш Дамба-дам, тез-тез; бирин-кетин.

1. Бот-бот келиб турмоқ.

2. Том бўғотига уя қурган чумчуқлар бот-бот полапонларини учирма қилишарди. Н. Қобул, Унутилган соҳиллар

3. Мен мактабда ўқиб юрган чоғларимда бот-бот колхоз даласига чиқиб, ота-онамга қарашар эдим. М. Жўра, Қуёшдан нур эмганлар

4. Аёли қишлоқ боласи эмасми, у бот-бот далани соғинарди. С. Сиёев, Ёруғлик

2. Қайта-қайта, такрор-такрор.

1. Турсунқул газетадаги исми шарифга бот-бот тикилди. Ёшлик

2. Тепакал, шилпиқ кўз домласи бўлар эди. Ўша: — Ҳар қандай муносабат замирида шахсий манфаат яширин бўлади, — деб бот-бот такрорлар эди. Ёшлик