чақа
билан улашинг
1. Асосан мис, жез сингари металлардан ясалган, қиймати паст майда танга пул.
-
Оқ кўйлак устидан олача ипак тўн кийган, гавдаси йўғон баққол ёш харидорнинг айтган нарсаларини тортиб, қўлидан майда чақаларни олди. М. Осим, Ибн Сино
2. эскирган Бир тийин.
-
[Отабек ва Али] Дастурхонни йиғиштирувчи келинчакка ўғил тилаб дуо қилгандан кейин, қўлига ўттиз чақа сурма пули бердилар. А. Қодирий, Ўтган кунлар
3. Умуман пул, маблағ.
-
Темирчи йигитнинг чақаси миёнагина тўйга етарли бўлиб қолганида, Холхўжа қўрбоши йигитларининг хуружи бошланди. С. Аҳмад, Ҳукм
чақа сўзи қатнашган жумлалар:
Бир чақага (ёки сариқ чақага) арзимайди
-
— Хаёлларим бир чақага ҳам арзимайди, муҳтарам зот, — ҳозиржавоблик билан узиб олди моҳир санъаткор. Газетадан
Бир чақага (ёки сариқ чақага) олмаслик
-
Бу кулишдан унинг меҳмонни бир чақага олмаслиги аниқ билиниб турарди. А. Мухтор, Опа-сингиллар
-
Мен тирикман — бозори чаққон, мен ўлсам, уни биров сариқ чақага олмайди. М. М. Дўст, Лолазор
Бир (ёки сариқ) чақалик
-
Бу Насим дегани шунақа Бемаврид ёғаётган қор билан ҳам Аброрнинг тажангланиб тургани билан ҳам унинг бир чақалик иши йўқ. О. Мухтор, Эгилган бош
-
Бу чатоқ ишга ўзининг сариқ чақалик алоқаси бўлмаса ҳамки, бутун жавобгарлик ўз елкасига ағдарилгандай ҳанг-манг бўлди. Ҳ. Назир, Сўнмас чақмоқлар
Сариқ чақам йўқ
-
[Йўлчи:] Онам, укаларим учун бу ерда юрибман, Эшвой ака, буни яхши биласиз. Аммо ҳозир ёнимда сариқ чақам йўқ. Ойбек, Танланган асарлар
Чақа қилмоқ
-
Мана, Барат супургичи! Бозордан супургисини чақа қилолмай, яна орқалаб қайтаётир. Ойбек, Танланган асарлар.
1. Кичик яра, жароҳат.
-
Пулни юз-бетига чақа тошган иккита ўспирин олди. М. М. Дўст, Галатепа қиссалари
-
Ниёзмурод Бибигул юзидаги қонталашган чақаларни кўрди. Мирмуҳсин, Чўри
2. Бирон-бир зарб, таъсир натижасида нарсаларнинг юзасида ҳосил бўлган ўйиқ.
-
Машина урилиб чақа бўлди.
-
Пластмассадан қилинган шкаф урилиб, чақа бўлади ёки стулнинг оёғи тез синиб қолади, деб сира хавотирланманг. Саодат
шева Бола, фарзанд.
ЧАҚА сўзининг синонимларини Sinonim.uz сайтида қидириб кўринг.
CHAQA сўзининг лотинча ёзилиши Lotin.uz сайти томонидан тақдим қилинган.
чақа сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
