чекин

1. Орқага тисарилмоқ, тисланмоқ.

1. Директор ранги ўчиб, сал орқага чекинди. Шарқ юлдузи

2. Ўсар бухгалтер, тумшуғини ари уясига тиқиб олган айиқдай, ортига чекинди. А. Кўчимов, Халқа

3. Хотин ноз билан чекинди. С. Аҳмад, Ҳукм

2. ҳарб. Душман ҳужуми натижасида илгариги позицияларни ташлаб, орқага кетишга мажбур бўлмоқ, орқага жилмоқ.

1. Душман тепадан жанг билан чекинаркан, муаллим яна ҳаммадан олдинда ўтга кириб кетди. Ойбек, Қуёш қораймас

2. Асирни дарҳол сўроққа тутдик. У чекиниш вақтида қуршовда қолган артиллериячилардан экан. Н. Сафаров, Оловли излар

3. кўчма Қайтмоқ, воз кечмоқ.

1. Ойқиз ҳам ўз фикридан асло чекинмай, қатъий тураверди. Ш. Рашидов, Бўрондан кучли

4. кўчма Ўтмоқ, тугамоқ.

1. Қишнинг сўнгги кунлари аста-секин чекинмоқда эди. Ш. Рашидов, Бўрондан кучли

5. кўчма Йўқолмоқ, йўқ бўлмоқ.

1. Орқага чекинар ним қоронғилик. Х. Даврон

2. Ойнинг хира ёғдуси чекинди. Ёшлик

6. кўчма Четга чиқмоқ.

1. Қоидадан чекинмоқ.