чимчила
билан улашинг
1. Тананинг бирор ерини бармоқлар билан қисиб олмоқ (кўпинча жазолаш учун, баъзан ҳазил тариқасида).
-
Шўхчан койиниб, эрининг биқинларидан чимчилаб, нариги хонага олиб чиқди. М.М. Дўст, Лолазор
-
— Ахир кампирлардай тишларинг тушган! — деди Изатулла ака боланинг юзини қайта чимчиламоқчи бўлиб. Н. Аминов, Қаҳқаҳа
-
Фотима келин атласнинг бир четини чимчилаб кўрди. Ў. Ҳошимов, Икки эшик ораси
2. кўчма Ачитмоқ, жизиллатмоқ, жондан ўтмоқ (совуқ, шамол, изғирин ва шу кабилар ҳақида).
-
Изғирин изиллаб, юз-кўзни чимчилайди. С. Нуров, Нарвой
-
Совуқ қулоқ-бурнингизни чимчилаб ўтади. Т. Қосимова, Кўнгилли тасодиф
-
Ёмғир томчилари билан ювилган ҳавонинг покиза еллари баданини чимчилаб ўтади, гоҳ сескантиради. Шуҳрат, Шинелли йиллар
3. кўчма Гап билан узиб олмоқ, тил тегизмоқ, кимсанинг шаънига аччиқ, қаттиқ гап айтмоқ; койимоқ.
-
— Ҳали хотинчангизни ҳам бориб кўрарсиз, — гап билан чимчилаб олди у. Ёшлик
4.
ЧИМЧИЛА сўзининг синонимларини Sinonim.uz сайтида қидириб кўринг.
CHIMCHILA сўзининг лотинча ёзилиши Lotin.uz сайти томонидан тақдим қилинган.
чимчила сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
