чиқит

1. Чиқинди, қолдиқ.

1. Босмахона чиқитлари.

2. Ҳар тарафга тарқаб юрган товуқлардан иккита-учтаси сигир охури тагидаги юзароқ пўчоқларни, шунга ўхшаш сабзавот чиқитларини титиш билан машғул. Ёшлик

2. Яроқсиз нарса; брак.

1. Кеча акт билан чиқитга чиқарилган рестораннинг нимдош чойнак-пиёлаларидан бир дастасини уйга юборсак бўларди-ю Н. Аминов, Ёлғончи фаришталар

3. кўчма Чиқиндига чиқарилган, паст назар билан қараладиган (одам ҳақида).

1. У вақтларда хўжайинлар камбағални одам қаторидан чиқит ҳисоблашган. Ойбек, Танланган асарлар

4. Асосий ишдан четда қолган.

1. Бригадада кўп одам чиқитга чиқиб кетади. Бригадирларнинг ўзи, ошпаз, табелчи, аравакаш, ясли ходими, шийпон қоровули. С. Нуров, Парвоз