чўққи
билан улашинг
1. Тоғнинг энг баланд, юксак жойи.
-
Ҳисор чўққилари оқариб, шаҳар, қишлоқларга яқинлашиб келгандай туюлди. С. Нуров, Майсаларни аёз урмайди
-
Асрий чўққилар қуёшда ялтирар ва сукут сақлар, унинг тўшидаги қорлар кўзни қамаштирарди. Саодат
2. Тик нарсаларнинг энг юқори қисми.
-
Телерадиоминоралар чўққиси.
-
Навқирон бир теракнинг чўққисида ошён, Кеч куз тонготарин салом билан олқишар. Ғ. Ғулом
3. кўчма Эришилган ёки эришилиши мумкин бўлган энг юксак даража, поғона, кўрсаткич; олий нуқта.
-
Камолот чўққиси. Бахт чўққиси.
-
Фидокорона меҳнатсиз илм чўққиларини эгаллаб бўлмайди. Газетадан
-
Шафқатсиз дунёда шеърият ғолиблигини сезиш, унинг беқиёс қудратини ҳис этишнинг ўзи киши кайфиятини юксак чўққига кўтариб, дунёни инсон кўзига чаман қилиб кўрсатади. ЎТА
чўққи сўзи қатнашган жумлалар:
Чўққи соқол
-
Вафо аттор чўққи соқолини қашлади, йўталиб олиб, бир чеккага тупурди. Н. Аминов, Қаҳқаҳа;
-
Абдуваҳоб Шоший эллик беш ёшларда, қотма, чўққи соқол, қарашлари ўткир бир одам. Мирмуҳсин, Тунги чақмоқлар
ЧЎҚҚИ сўзининг синонимларини Sinonim.uz сайтида қидириб кўринг.
CHO‘QQI сўзининг лотинча ёзилиши Lotin.uz сайти томонидан тақдим қилинган.
чўққи сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
