Izoh.uz сайтида дийдор сўзининг изоҳи ва маънолари

дийдор

Сўзни дўстлар
билан улашинг

от

1. Кишининг юзи, жамоли, рухсор; башара.

Азизхон ҳеч кимнинг Лутфинисо дийдорига тўйиб қарашини истамасди. С. Аҳмад, Уфқ
Саккиз ойдан бери энди кўриб ўтирибман дийдорингизни. М. Исмоилий, Фарғона тонг отгунча.
Кўзим ололмайман гул дийдорингдан, Толган юракларга жон бўлур пайванд. Миртемир, Асарлар

2. кўчма Узоқ айрилиқ, соғинчдан кейин кўришиш, учрашиш.

Хат — ярим дийдор. Мақол
Айриликларни кўравериб зада бўлган юраклар бу кутилмаган дийдордан ларзага тушди. Шарқ юлдузи

3. кўчма Меҳрибонлик, ғамхўрлик.

Нима қиласиз гўдакни ота дийдоридан маҳрум қилиб. С.Аҳмад, Уфқ
Дўстлар дийдоридан ортиқ қувонч, фироқидан ортиқроқ ғам йўқ. Газетадан

дийдор сўзи қатнашган жумлалар:

Бола(ёки гул, мол) баҳона, дийдор ғанимат

Бирор нарсани важ қилиб, бирор мақсадни амалга оширмоқ.

Соддасиз, саркор, соддасиз! Бола баҳона, дийдор ғанимат, деган гапни эшитганмисиз? Уйғун, Асарлар
Мол баҳона, дийдор ғанимат қилиб, кўришиб олардим. Р. Файзий, Чўлга баҳор келди

Дийдор кўришгунча

Яна кўришгунча, хайр (хайрлашув ибораси).

— Дийдор кўришгунча, — деди у секин. Ш. Тошматов, Эрк қуши
Хайр энди, баҳорим, кўришгунча то дийдор. А. Орипов, Йиллар армони

Дийдор кўришмоқ

Узоқ айрилиқ, интизорликдан кейин учрашмоқ, юз кўришмоқ.

Дийдор кўришар кун яқин. Аммо ҳужум қилаётир дилимга фироқ. Т. Тўла
Биз Сўнагул билан неча бор видолашиб, неча бор дийдор кўришдик. А. Мухтор, Асарлар
Жўрахоннинг айтаётган ашуласи бахт ҳақида, муҳаббат ҳақида севгилиси билан дийдор кўришишни истаб, соғиниб юрган йигитнинг висол орзулари ҳақида эди. Т. Рустамов, Мангу жасорат
Она ёлғиз ўғли билан дийдор кўриша олмади. Газетадан

Дийдор кўрсатмоқ

Ўзини намоён қилмоқ; кўриниш бермоқ, кўринмоқ.

Бир кўрсатиб ғамза билан дийдор ўзинг, Лутфу карам қилдинг кулиб изҳор ўзинг. Ҳабибий

Дийдор очмоқ

Юзини очиб кўрсатмоқ.

Тўйлар муборак, э севгили ёр! Келдим йироқ-дин, оч менга дийдор. С. Абдулла

Дийдор — ғанимат!

Бу ўткинчи дунёда тез-тез кўришиб, учрашиб турайлик, деган маънода ишла-тиладиган ибора.

Одам — омонат, дийдор — ғанимат. Мақол

Дийдор қўшмоқ

Насиб қилмоқ.

Дийдор қўшса, қиёматда кўргаймиз. Холдорхон

Дийдори ўчсин (ёки қурсин)

қарғиш Афти қурсин, қуриб кетсин.

Қора чироғингни ўчир, дийдори қурсин! Уйғун, Асарлар
Таннозхон! Дийдоринг ўчсин сенинг! Н. Сафаров, Танланган асарлар

Дийдорига зор бўлмоқ

Кимсани кўришга муштоқ бўлмоқ.

Лекин фақат дийдорингга бўлиб зор Тўпланишдик, ҳамма ортиқ беқарор. Ҳ. Олимжон

Дийдорига муяссар этмоқ (ёки қилмоқ)

Дийдор кўрсатмоқ, юз кўрсатмоқ.

Охири ўз дийдорига муяссар қилган қутлуғ ва шарофатли кун келди. Шуҳрат, Шинелли йиллар

Дийдорига тўймоқ

Соғинган ёки севган кишисини кўриб, васлига тўймоқ, хумордан чиқмоқ.

У қанча-қанча термилса ҳам, эрининг дийдорига тўя олмасди. Ш. Рашидов, Бўрондан кучли
Вой болам-эй, келганингдан бери кўчадан кирмайсан, бундоқ бирпасгина дийдорингга тўйиб гаплашолмайман. С. Аҳмад, Қадрдон далалар

Қиёмат дийдор бўлмоқ

Юз кўришмайдиган бўлиб кетмоқ.

Нуралиман, қон йиғлайман зор-зор, Отам қолди ушбу ишдан бехабар. Шу сабабдан бўлдим қиёмат дийдор. Зулфизар билан Авазхон

ДИЙДОР сўзининг синонимларини Sinonim.uz сайтида қидириб кўринг.

DIYDOR сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

3256

Сўзнинг тескари ёзилиши

родйид

Ҳарфлар сони

Кўришлар сони

1154

дийдор сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

Зулфияхоним абстрактлаштирил абразив Евроиттифоқ Низомий аччиқланиш Бобурнома Юпитер Бундестаг

дийдор сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, дийдор сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар