Izoh.uz сайтида дўппи сўзининг изоҳи ва маънолари

дўппи

Сўзни дўстлар
билан улашинг

от

Авра-астарли, кўпинча қавима, пилта урилган, тепа, кизак ва жиякдан таркиб топадиган гулдор ёки гулсиз, тўгарак ёки тўртбурчак шаклдаги бош кийими.

Бахмал дўппи. Гилам дўппи. Ҳожи дўппи. Чуст дўппи. Зар дўппи. Бош омон бўлса, дўппи топилар. Мақол
[Сидиқжон] Нима дейишини билмай, бошидан дўпписини олиб, у ёқ-бу ёғига чертди, тиззасига қўйиб, жиягини тортди. А. Қаҳҳор, Қўшчинор чироқлари
Эсиз йигитлик, эсиз бошдаги дўппию белдаги қийиқ. С. Аҳмад, Уфқ

дўппи сўзи қатнашган жумлалар:

Тагдўзи дўппи

Йўлчи учун ўзи тайёрлаган яхи/и тагдўзи дўппини кийдирди. Ойбек, Танланган асарлар

Мансур жилмаяр, чуст дўппи кийиб олган, ўжар сочлари дўппини кўтариб турарди. Ў. Ҳошимов, Қалбингга қулоқ сол
айниқса янги тус дўппи билан қийиқчасига осилган пичоқ уни бениҳоя хурсанд қилиб юборди. Ў. Усмонов, Сайланма

Бировнинг дўпписини бировга кийгизмоқ

Ўзининг фойдасини кўзлаган ҳолда бошқаларни алдаб, лақиллатиб юрмоқ

Буни бировнинг дўпписини бировга кийгизиш дейди. Шукрулло, Сайланма.

Дўппини алмаштиргандек

Жуда осон, қийинчилик туғдирмайдиган.

Бош омон бўлса, иш топиш дўппини алмаштиришга ўхшаш бир нарса. А. Обиджон, Аканг қарағай Гулмат

Дўппини ерга қуйиб

Хотиржамлик билан, бамайлихотир, диққатни бир жойга тўплаб.

Кетидан пачаваси чиқмаслиги учун, дўппини ерга қўйиб ўйлаб кўринг олдин. Ойбек, Танланган асарлар

Дўппининг тагида одам бор

“Эҳтиёт бўл“, сирингни сақла, лақиллаб гапираверма маъноларидаги ибора.

Дўппини осмонга отмоқ (ёки ирғитмоқ, ташламоқ)

Ортиқ даражада қувонмоқ, ниҳоятда хурсанд бўлмоқ.

Бу ерда икки-уч овора бўлиб, иш битирган одам дўпписини осмонга отиб хурсанд бўлади. Муштум

Дўпписини ол деса, калласини (ёки бошини) олмоқ

Бирор ишни лозим бўлганидан ҳам ўтказиб, ортиқ даражада ва қўпол қилиб бажармоқ

Тасаддуғингиз кетай, дўпписини олиб кел десангиз, ахир биз жаллод бошини кесиб келтирамиз-да. Ҳамза. Бой ила хизматчи

Дўпписи яримта

Иши жойида, ғам-ташвиши йўқ, парвойи фалак, беғам.

Бизнинг сартия жуда беғам ҳеч нима бўлмагандай, дўпписи яримта! Ҳалқумигача қарзга ботганини ўзи сезмай қолади. Ойбек, Танланган асарлар

1. Иш қисталанг бўлган ёки ноилож қолган вақтда.

Дўппи тор келиб қоладиган вақтларда кабоб қилиб юборамиз. М. Мухамедов, Қахрамон изидан

2. Камчилик, етишмовчилик юз берганда.

Ўйлаб қарасам, дўппи тор экан. Каттароқ иш қилишга қўлимиз калта экан. И. Раҳим, Ихлос

ДЎППИ сўзининг синонимларини Sinonim.uz сайтида қидириб кўринг.

DO‘PPI сўзининг лотинча ёзилиши Lotin.uz сайти томонидан тақдим қилинган.

Рўйхатга қўшиш

Сайтдаги ўрни

1789

Сўзнинг тескари ёзилиши

иппўд

Ҳарфлар сони

Кўришлар сони

2556

дўппи сўзига янги изоҳ қўшинг

Олдинги 10 та сўз

Кейинги 10 та сўз

дўппи сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

Юпитер аблаҳона Минорайи Калон абр аълочи ача ачимсиқ Бундестаг аъзо

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Тасодифий сўзлар

Ҳаммасини кўриш

Янги сўзлар