эрка
билан улашинг
1. Меҳр, суйиш ҳисси билан муносабатда бўлинадиган; суюкли.
-
Эрка қизча билан меҳрибон отанинг ўртасига рахна солиш жоҳиллик. Ф. Мусажонов, Ҳиммат
-
Булғорнинг эркаси, болам, йўл бўлсин Эрали ва Шерали
-
Сайр этайлик, кел, бирга, эркам, Рози кетсин биздан умрбод — Шодлик учун яралган олам. Э. Воҳидов, Муҳаббатнома
2. Кўнглига келган ишни қилиш учун ихтиёр бериб қўйилган, талтайтириб юборилган, тантиқ.
-
Эрка тутса онаси, талтаяди боласи. Мақол
-
Мунис тенгқурларига ўхшамасди: жуда эрка эди, сержаҳл эди. Ў. Умарбеков, Ёз ёмғири
-
Фахриддин эрка ўсган тантиқ бола бўлгани учун Нисо буви: — Ҳа, ишқилиб, икковининг жони омон бўлсин, — деб қўя қолар эди. А. Қаҳҳор, Бошсиз одам
3. Эркалик, суюмлилик ифодаловчи.
-
— Ёлғончи экансиз, — деди у яна эрка товушда. С. Сиёев, Ёруғлик
-
Гулнор чиройли ва эрка табассум билан, хўп дегандай, бошини қимирлатди. Ойбек, Танланган асарлар
4. Эрка (эркаклар ва хотин-қизлар исми).
ЭРКА сўзининг синонимларини Sinonim.uz сайтида қидириб кўринг.
ERKA сўзининг лотинча ёзилиши Lotin.uz сайти томонидан тақдим қилинган.
эрка сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
