игна
билан улашинг
1. Бир томони найзасимон, иккинчи томони тешик бўлиб, тешигидан ип ўтказиб, нарса тикишга мўлжалланган ингичка металл асбоб.
-
Машина игна. Тепчик игна. Қавиқ игна. Игнага ип ўтказмоқ.
2. Турли асбобларнинг игнасимон қисми.
-
Патефон игнаси. Примус игнаси.
3. тиббий Тиббий техникада: ингичка сим ёки учи ўткир найча кўринишидаги санчилувчи ёки санчилувчи-кесувчи асбобларнинг умумий номи.
-
1982 йил сентябрь ойининг охирларида игна билан даволовчи олим ва шифокорларнинг бутуниттифоқ анжумани бўлиб ўтди. Фан ва турмуш
4. Баъзи ўсимлик ва жониворларнинг игнасимон аъзоси, найзаси, тикани.
-
Дарахт игнаси. Кирпи игнаси.
игна сўзи қатнашган жумлалар:
Игна билан қудуқ қазимоқ
-
Илм (олиш) — игна билан қудуқ қазиш билан баравар.
Игна санчмоқ
Игна тешигидан ўтадиган
-
Разведкага игна тешигидан ўтадиган эпчил кишилар керак. Шуҳрат, Шинелли йиллар
Игна устида ўтирмоқ
-
У [Одилжон] игна устида ўтиргандай, жуда бетоқат эди, дам-бадам томоғини қириб йўталиб, соатига қарарди. Р. Раҳмонов, Қўшнилар
Игнадай нарсани туядай қилмоқ
-
Қўзибойнинг игнадай нарсани туядай қилиб гапириш одати бор. Ҳ. Назир, Кўкорол чироқлари
Игнадек санчилмоқ
-
Бекмуродга чолнинг деганлари гўё игнадек санчилди. И. Ўктамов, Изза
Игнанинг учидай
-
— Ҳе-ҳе-ҳе, — элликбоши кулиб, кўзларини артди, — игнанинг учидай ёлғони йўқ, қулинг бўлай, бойвачча. Ойбек, Танланган асарлар
-
Бироқ, менинг гуноҳим игнанинг учидай бўлса, сизларнинг айбингиз туядай. Ш. Рашидов, Бўрондан кучли
ИГНА сўзининг синонимларини Sinonim.uz сайтида қидириб кўринг.
IGNA сўзининг лотинча ёзилиши Lotin.uz сайти томонидан тақдим қилинган.
игна сўзи ишлатилган сайтларни интернетда қидиринг
Google Яндекс BingФойдаланувчилар томонидан ИГНА сўзига берилган маънолар
игна сўзига янги изоҳ қўшинг
