жамоа

1. Қишлоқ, маҳалла ва унинг аҳолиси.

1. Дўстмат пулни санаб, чўнтакка солмасданоқ, жамоада ҳар бир оиланинг туйнугидан чиқадиган тутунга қараб, қозонда нима қайнаётганини сезадиган хумкалла элликбоши етиб келди. П. Турсун, Ўқитувчи

2. эскирган Қишлоқ кенгаши.

1. Дадамни икки марта жамоа чақиртирди. А. Қаҳҳор, Қўшчинор чироқлари

2. Аризага Қумқишлоқ камбағал деҳқонлари ва жамоа фаолларидан юз ўттиз киши қўл қўйган. Ҳ. Ғулом, Машъал

3. Муайян, бир хил иш бажарувчи кишилар гуруҳи.

1. Икки-уч йилдан бери уйларига кун сайин совчилар жамоаси ёғилиб ётганлигидан, бу совчилар ҳам ўшаларнинг бирисидир, деб ўйлаган эди. А. Қодирий, Ўтган кунлар

4. Халойиқ, биродарлар.

1. Тиловат сўнгида юрт мўйсафидларидан бири ўрнидан турди: — Жамоа, Асқар оқсоқол қандай одам эди? —Раҳматли яхши одам эди. Ёшлик