катак
билан улашинг
1. Парранда ёки айрим (асосан майда) жониворлар туриши учун махсус ишланган қурилма; хона, уйча.
-
Дилфуза айвондан сакраб тушди-да, товуқ катаги ёнидаги нимқоронғи ошхонага кириб, токчадаги узун шишани топди. Ў. Ҳошимов, Қалбингга қулоқ сол
-
Бўрон ўзи топширган кийик боласини сим катаклардан қидира кетди. Ҳ. Назир, Ёнар дарё
2. Бир сатҳ (юза)даги кичик-кичик бўлмалар, уялар, тешикларнинг бири. Ари уясининг катаги.
-
У вестибюлга кириб, ранг-баранг эълонлар осиғлиқ доска ёнидан ўтаётганда, чата, ари уясидай сертокча почта катагига қаради. П. Қодиров, Уч илдиз
3. Нарса юзасига ишланган, туширилган тўртбурчак; шундай тўртбурчакларнинг бири. Шахмат катаги.
-
Азимов қора фарзинни қўлида бир оз ушлаб туриб, шахматнинг оқ катагига тақиллатиб урди-да, шах деди. И. Раҳим, Чин муҳаббат
4. Юзасида шундай катаклар бўлган; катакли.
-
Катак дафтар.
-
Ҳақиқатан ҳам хат катак дафтарнинг бир варағига ёзилган бўлиб, иккала бетида ҳам очиқ жой йўқ эди. И. Раҳим, Чин муҳаббат
-
Бошига Пўлатжон совға қилиб келтирган кўк катак рўмолчани ёш жувонлардай ихчам танғиган ҳолда айвон яқинига келди. Ҳ. Назир, Сўнмас чақмоқлар
катак сўзи қатнашган жумлалар:
Бурун катаги
-
[Шокир отанинг] Қайрилиб тушган, катаклари кенг, бесўнақай қайроқ бурни учида тер томчилари ялтирар эди. Ойбек, Танланган асарлар
КАТАК сўзининг синонимларини Sinonim.uz сайтида қидириб кўринг.
KATAK сўзининг лотинча ёзилиши Lotin.uz сайти томонидан тақдим қилинган.
катак сўзи ишлатилган сайтларни интернетда қидиринг
Google Яндекс Bing