кесак
билан улашинг
1. Қотган, қуриган лой бўлаги.
-
Ичкаридан ҳам чертиш товуши эшитилгандан кейин, ердан бир кесак олиб, деразага катта ҳарф билан мен сўзини тескари ёзди. С. Айний, Қуллар
-
Девор устида турган ўн икки ёшлардаги бир қиз девордан кесак кўчириб олиб, мулла Норқўзига ўқталди. А. Қаҳҳор, Майиз емаган хотин
2. шева Гувала.
-
Кесак қаламоқ. Кесак девор.
3. кўчма Ҳис-туйғуси йўқ, ҳушсиз; ҳеч нарсадан таъсирланмайдиган (кесакка нисбат берилади).
-
— Қиз билан бошлашиб, [Қосимовнинг] уйига кираман, жиғига тегаман, қани, рашк ўти бормикан вужудида. Агар ғирт кесак бўлса, ўзидан кўрсин, — деди Аҳмад. А. Мухтор, Давр менинг тақдиримда
-
— Ёрмат, одаммисан, отамисан! — деб бақирди элликбоши, — ўл, кесак! Ойбек, Танланган асарлар
кесак сўзи қатнашган жумлалар:
Тегганга тегиб, тегмаганга кесак отади
Кесак бўлиб қолмоқ
-
Отиб ўлдириш сўзини эшитган Азизий курсига суянганича кесак бўлиб қолди. Ҳ. Ғулом, Машъал
Кесакдан олов (ёки ўт) чиққандек
-
Кесакдан олов чиққандек, умрида ашула айтмаган Абдуваҳоб бирдан: Фарзанд керакдир йигитга! — деб хиргойи қилди-ю, ҳўнграб йиғлайверди. Муштум
-
Кесакдан ўт чиқди, деб Тескари амаки ҳам хурсанд. С. Сиёев, Ёруғлик
Қоронғи уйга кесак отгандек
-
Бунга [меҳмонга] гап уқтириш қоронғи уйга кесак отгандек гап эди. А. Қаҳҳор, Думли одамлар
КЕСАК сўзининг синонимларини Sinonim.uz сайтида қидириб кўринг.
KESAK сўзининг лотинча ёзилиши Lotin.uz сайти томонидан тақдим қилинган.
кесак сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
