кўч
билан улашинг
1. Яшаш жойидан кетмоқ, бошқа яшаш жойига ўтмоқ.
-
Оловни ковласанг — ўчар, қўшнини ковласанг — кўчар. Мақол
-
У [Нури] Ёрмат оиласининг боққа кўчиб кетганини эшитиб, афсус қилди. Ойбек, Танланган асарлар
-
Бу ердан ҳеч қачон кўчмайман, сен ҳам кўчмайсан. Ш. Рашидов, Бўрондан кучли
2. Умуман, ўрни, манзили ва шу кабилардан бошқасига ўтмоқ, жилмоқ, кетмоқ.
-
Бу йил қизим бешинчи синфга кўчади.
-
Ана, қоқди қанотин булбул, Келиб қўнди чиройли гулга. Шохдан-шохга кўчади нуқул, Куйи роҳат берар кўнгилга. И. Муслим.
-
Куз кириб, уларнинг учрашувлари ишхонага кўчган дастлабки кунлар Ёшлик
3. кўчма Мавзуни, ҳаракатни, яшаш ёки ишлаш тарзини ўзгартирмоқ, бошқасига ўтмоқ.
-
Хадича холанинг бас, қийнама деган мазмунда кўз қисишини кўриб, бошқа гапга кўчди. А. Қаҳҳор, Қўшчинор чироқлари
4. Ёпишган, бириккан жойидан ажрамоқ.
-
Унинг [масжиднинг] баланд ва сири кўчиб кетган эски устунлик айвонида уч-тўрт намозхон ўтиришибди. П. Турсун, Ўқитувчи
-
Овоз лампочкасининг остидаги қўрғошинлар кўчиб кетибди, янгидан йўпиштирди. Т. Ашуров, Оқ от
кўч сўзи қатнашган жумлалар:
Енгил (ёки осон) кўчмоқ
-
Нима бўлган-да ҳам, кўнглининг бир чеккасини кирлатиб ётган бу ота-она орзуси, бир томондан қаралганда, жуда енгил кўчган эди. А. Қодирий, Ўтган кунлар
-
Бу иш ҳам хамирдан қил суғургандек осон кўчди. М. Қазратқулов, Журъат
Оғир (ёки қийин) кўчмоқ
-
Бу йил иш яна анча оғир кўчадиганга ўхшайди-а. Ш. Ғуломов, Ёрқин уфқлар
-
Айниқса, қиш билан олишиш жуда-жуда қийин кўчибди. Ш. Ғуломов, Ёрқин уфқлар
КЎЧ сўзининг синонимларини Sinonim.uz сайтида қидириб кўринг.
KO‘CH сўзининг лотинча ёзилиши Lotin.uz сайти томонидан тақдим қилинган.
кўч сўзи ишлатилган сайтларни интернетда қидиринг
Google Яндекс Bing