Izoh.uz сайтида кўча сўзининг изоҳи ва маънолари

кўча

Сўзни дўстлар
билан улашинг

от

1. Аҳоли яшайдиган жойларда йўловчилар ўтиб турадиган, транспорт қатнайдиган йўл.

Навоий кўчаси. Собир Раҳимов кўчаси.
Чиннигул кўчанинг бир томонидан, энсизгина асфальт тротуардан шошмасдан борар эди. С. Зуннунова, Кўк чироқлар
Тўхта хола кўчада узоқдан бирин-кетин келаётган икки кишининг қорасини кўрди. И. Раҳим, Чин муҳаббат
Ёр юрган кўчаларни супурай сочим билан. Қўшиқлар

2. Умуман, йўл.

3. Яшаш, туриш жойидан ташқари бўлган жой, очиқ майдон (уй, ҳовлига нисбатан).

Уйида роҳати йўқнинг кўчада фароғати йўқ. Мақол
Ошинг ҳалол бўлса, кўчада ич. Мақол
Қишнинг охирги кунлари кўчада қора совуқ билан изғирин юрар эди. А. Қодирий, Меҳробдан чаён
Ибн Ямин бир куни кўчадан ҳориб-толиб, тажанг бўлиб келди-да хотини билан айтишиб қолди. К. Яшин, Ҳамза

Кўча боласи

Умумий таълим-тарбиядан четда қолган бола.

Ўтир бу ёққа! Хўш, сен нима учун кўча болаларига ўхшаб ахлоқсизлик қиласан! А. Қаҳҳор, Айб кимда?

Кўча эшик

Кўчага чиқиладиган (кўчадан кириладиган) эшик.

Кўча эшикдан кириши билан акаси тағин жаҳлини чиқара бошлади. Ў. Ҳошимов, Қалбингга қулоқ сол

Кўчада қолган

Ташлаб қўйилган, кераксиз.

[Муаттар:] Бугундан қолмай кўчингни кўтар! Олти ойдан бери касал боқамиз. Кўчада қолган нонимиз йўқ. Н. Сафаров, Шарқтонги

Кўчасига кирмоқ

Бирор нарса қилиш пайига тушмоқ, дахл қилмоқ, машғул бўлмоқ.

Аблаҳ Тиллабойга энди ишонч қолмабди. Чамамда, феъли айнаб, хиёнат кўчасига кирганга ўхшайди. П. Турсун, Ўқитувчи

Кўчасидан ўтмоқ

Бирор иш ёки ҳаракат билан шуғулланмоқ; машғул бўлмоқ.

[Муҳаббат:] Турғунжон ака, қўйинг, мен бир умримда савдо кўчасидан ўтган бўлмасам, мени мажбур қилманг. Н. Сафаров, Ҳаёт мактаби

Оёғим (ёки кавушим) кўчада қолгани йўқ

ёки Оёғим кўчада қолибдими Ҳар қанақа жойга боравермасликни, унча-мунча жойни назар-писанд қилмасликни ифодалаш учун айтиладиган ибора.

Давранинг тўрида эдим, оёғим кўчада қоптими, деб унча-мунча тўйга бормасдим. А. Мухтор, Қорақалпоқ қиссаси
Ўзбек ойим унча-мунча тўй-у азаларга Кавушим кўчада қолган эмас, деб бормас эди. А. Қодирий, Ўтган кунлар

Хоҳламасанг (ёки истамасанг) — катта кўча

Хоҳламасанг, истамасанг, билганингни қил, хоҳлаган ерингга кетавер; тўрт томонинг қибла.

шева Кўча оши айн. гўжа.

КЎЧА сўзининг синонимларини Sinonim.uz сайтида қидириб кўринг.

KO‘CHA сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

6212

Сўзнинг тескари ёзилиши

ачўк

Ҳарфлар сони

Кўришлар сони