мизансцена

фр. mise en scene – саҳнада жойлашиш. Спектакль давомида актёрларнинг спектаклнинг айрим кўринишларига мос жойлашуви. Мизансцена воқеа иштирокчилари ҳаракатларини, улар ўртасидаги муносабатларни ва асарнинг ғоявий бадиий ечимини ҳал қилишда муҳим восита ҳисобланади. Мизансцена режиссёр томонидан тўғри ҳал этилса, спектаклда уйғунлик, яхлитлик ҳосил бўлади. Мизансцена орқали томоша услуби, жанр хусусиятлари, давр руҳи, тарихий шароит ҳамда асарнинг режиссёрлик талқини ўз ифодасини топади. Аниқ мизансцена танлаш жараёни рассом иши билан боғлиқ бўлиб, у режиссёр билан биргаликда спектаклнинг мақбул, тўғри ечимини топиб, саҳна ҳаракати учун шароит яратади. Ҳар бир мизансцена актёр томонидан психологик асосланган бўлиб, табиий, узвий ҳолда ифода этилиши лозим. мизансцена режиссёрлик санъатида муҳим ўринга эга, режиссёр услубини, маҳоратини намойиш этувчи амалий саҳнавий композиция туридир.

1. Кўп вақт режиссёр тайёрлаган сценарий бадиий сценарийни тахминий кадрларга бўлишдан иборат бўлиб қолади, эпизоднинг талқини, картиналарнинг ритмаси, мизансценалар кўрсатилмайди. Газетадан