мўлжалла

1. Олдиндан ўйлаб, кўзлаб қўймоқ, белгиламоқ, режалаштирмоқ.

1. Бир йилнинг ичида Эҳсон мўлжаллаганидан зиёда билимга эга бўлади. А. Қаҳҳор, Сароб

2. Аваз кўпдан бери., бу забун, меҳнаткаш тўда хусусида бир шъеър ёзишни мўлжал-лаб қўйган эди. С. Сиёев, Ёруғлик.

2. Бирор мақсад учун кўзламоқ, мувофиқ топмоқ, белгиламоқ.

1. [Содиқ] Ўзини яшириш учун қутидорнинг йўлагини мўлжаллаган эди. А. Қодирий, Ўтган кунлар

2. Директор., биринчи навбатда бу йил уруғ экиладиган ерларни мўлжаллаши керак эди. Ўзбекистон қўриқлари

3. Мадхолиқнинг бувисини сизга мўлжаллаб қўювдик, бу ҳам вафот топибди-да. Ҳамза, Майсаранинг иши.

3. Чамаламоқ, тахмин қилмоқ.

1. Боғнинг саҳнини Салим уч ярим таноб, Фазлиддин уч таноб мўлжаллади. Ойбек, Танланган асарлар

4. Нишонга олмоқ, пойламоқ.

1. Оқилхон тўра Бўтабойни мўлжаллаб отган ўқ Тиллабувага теккан экан. А. Қаҳҳор, Қўшчи-нор чироқлари

2. Аҳмад танбал бўйнини мўлжаллаб урган қилич Бобурнинг ёй-ўқлари солинган садоғига тегиб, уни шартта кесиб тушди. П. Қодиров, Юлдузли тунлар