мўлжал
билан улашинг
1. Олдиндан кўзлаб, ўйлаб қўйилган иш, нарса; режа.
-
Бу йилги мўлжал — гектаридан 45 центнердан.
-
Равшаннинг мўлжали — бир кеча тунаш, тонг отмай Зубайда билан хайрлашади. Ёшлик
-
Ҳозир ҳам ҳавонинг авзойи бузилди-ю, мўлжалдаги ишини тугатолмай, диққати ошди. С. Кароматов, Олтин қум.
2. Чама, тахмин.
-
Латофатнинг мўлжалида Шаҳоб бугун командировкадан қайтган бўлиши керак эди. Л. Тожиева, Меҳрим сизга, одамлар.
-
Мўлжалимда Халачга кечга яқин кириб борсак эҳтимол. Мирмуҳсин, Меъмор
3. Нишонга олинган ёки олинадиган нарса; нишон, қора.
-
Мўлжалга урмоқ.
-
Пулемёт оғзидан тинимсиз учиб бораётган ўқлар тўппа-тўғри мўлжалга бориб тегар қалин шохларни синдириб ўтарди. А. Раҳмат, Эллик бир баҳодир
мўлжал сўзи қатнашган жумлалар:
Мўлжал қилмоқ айн. мўлжалламоқ
-
Тош-пўлатов бу масалани эртадан қолдирмай узил-кесил ҳал қилиш ва шу ҳафта ичида ўқишни бошлаб юборишни мўлжал қилиб қўйди. Р. Файзий, Чўлга баҳор келди
Мўлжалга олмоқ
-
Мўлжалга олиб, тайёрлаб қўйилган ер бор эди, қўлдан кетди. Р. Файзий, Чўлга баҳор келди
-
Мени аросатда қолдириш пайидамикан ё? Ижроком раислигини мўлжалга ола-ётган бўлса-чи? Ж. Абдуллахонов, Хонадон;
-
Қултойнинг чап қўли билан мўлжалга олиб, боши аралаш бир зарб уришидан ҳам ўзини йўқотмади. А. Мухтор, Бўронларда бордек ҳаловат
-
То у қўлтиқ-таёққа суяниб, мўлжалга олгунча, ўрдак учиб кетар, қуён инига етиб бўларди. С. Аҳмад, Уфқ
МЎЛЖАЛ сўзининг синонимларини Sinonim.uz сайтида қидириб кўринг.
MO‘LJAL сўзининг лотинча ёзилиши Lotin.uz сайти томонидан тақдим қилинган.
мўлжал сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
