пат
билан улашинг
1. Парранданинг дум ва қанотларини ташкил қилган, мугузсимон узун найчанинг икки ёнида икки қатор бўлиб ўсиб чиқадиган парлардан иборат аъзоси.
-
Товуқ пати.
-
Саид Амин сўйилган ўнтача беданани олдига уйиб қўйиб, патларини юлмоқда. М. Исмоилий, Фарғона тонг отгунча.
-
Товус патидан ясалган елпиғичи билан чиройли юзини елпиб-елпиб қўяди. Х. Тўхтабоев, Ширин қовунлар мамлакати
2. Мато, гилам ва шу кабиларнинг юзини қоплаган сунъий тук.
-
Уй ўртасидаги сандал устида исқирт кўрпа, ерда пати тўзиб кетган эски гилам, кичик бир шолча тўшалган. Н. Сафаров, Оловли излар
-
Чўққи соқол, бошига пати тўзиб кетган сурмаранг духоба дўппи кийган, кўзойнакли, олтмиш ёшлардаги чол велосипед миниб келиб қолди. С. Аҳмад, Чўл бургути
пат сўзи қатнашган жумлалар:
Пати тўзимоқ
-
Улар [самолётлар] орқасидан тўзонли из қолдириб, ўқдай учиб борар, момиқ булутларнинг патини тўзитиб, олға парвоз этар, аммо овози эшитилмас эди. Ў. Ҳошимов, Қалбингга қулоқ сол
-
Асарингни бугун босишмаса, эртага босишади. Назирийнинг битта таънасига доц. беролмай, патинг тўзиб кетди-я! Эҳ, афсус! Шу ўринда жиндак худбинлик қилдинг. К. Яшин, Ҳамза
Патини юлмоқ
Қитиқ патига тегмоқ
-
Айниқса, Ғафур Ғуломнинг гаплари баъзиларнинг қитиқ патига тегиб, ўйлантириб қўйди. Шукрулло, Жавоҳирлар сандиғи
-
Бир мажлисда ҳам Шариф Рустамович бировларнинг қитиқ патига тегадиган сўзларни айтганди. О. Мухторов, Эгилган бош
Қитиқ патини юлмоқ
-
[Берди:] Мен буларингнинг қитиқ патини юлиб, ром қилиб олмоқчиман! А. Қодирий, Обид кетмон
Қитиқ патини ўлдирмоқ
-
Бунинг қитиқ патини ўлдириб, ром қилиб олишим керак, деган фикр ялт этиб ўтди унинг миясидан. К. Яшин, Ҳамза
Шахматда: ўйин дуранг ҳисобланадиган ҳолатларнинг бири, пот.
-
Ўйин пат бўлди.
ПАТ сўзининг синонимларини Sinonim.uz сайтида қидириб кўринг.
PAT сўзининг лотинча ёзилиши Lotin.uz сайти томонидан тақдим қилинган.
пат сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
