пазандалик

1. Турли ўсимлик ва ҳайвон маҳсулотларидан овқат тайёрлаш, пишириш сирларини билиш.

1. Қудрат Хадича аянинг пазандалигини энди билаётган бўлса-да, унинг бошқача таърифини илгари эшитган эди. Ҳ. Назир, Сўнмас чақмоқлар

2. Бошлиқ ҳар гал мантини оғзига солаётганда, келиннинг пазандалигини мақтаб, Орифжоннинг қўли очиқлигини таърифлаб турди. С. Аҳмад, Сайланма

2. Лазиз таомлар тайёрлаш санъати.

1. Пазандалик илми.

2. Чунончи, пазандалик санъати ҳам бошқа соҳалар каби ҳеч қачон холис тараққий эта олмайди. К. Маҳмудов, Ўзбек тансиқ таомлари

3. Жаҳон пазандалигида сутдан тайёрланадиган маҳсулотлар ичида энг хили кўпи бу пишлоқ экан. Газетадан

4. Бундан икки йиллар бурун миллий пазандалик мавзусида бир неча мақолалар ёзиб беришимни илтимос қилишди. Газетадан