пешона
билан улашинг
1. анат. Юзнинг қошдан сочгача бўлган қисми, манглай.
-
Кенг пешона. Пешона суяги.
-
Бу гаплардан ҳашарчилар қотиб-қотиб кулишарди. Раззоқ буқачи пешонасини уқалаб, терга пишиб, индамай ўтирарди. С. Аҳмад, Жимжитлик
-
Икромжон тер босган пешоналарини, бўйинларини қийиғи билан артаркан, Азизхон тарафга бир қараб қўйди. С. Аҳмад, Уфқ
2. кўчма Диний тасаввурларга кўра: қисмат, тақдир.
-
Наҳот пешонамга тоабад тобелик, қуллик мақоми битилган бўлса. С. Сиёев, Ёруғлик
3. сўзлашув тили Бисот, буду шуд, бор-йўғи.
-
Пешонагинамизда биттагина-да, ўргилай, биттагина. С. Аҳмад, Уфқ
-
Пешонамда битта ўғил, ёнимда юрсин, деб туриб олди. С. Сиёев, Ёруғлик
пешона сўзи қатнашган жумлалар:
Пешонани боғлаб, ишга киришмоқ
Пешонасини силамоқ
-
[Бой:] Баракалла ўғлим! Ҳалол меҳнат қилсанг, ҳамиша бахтинг олчи-да! Ҳамиша пешонангни силайман! Ҳамза, Бой ила хизматчи
Пешонага ёзилгани
-
Пешонамга ёзгани сен экансан, менда нима чора! Ҳамза, Танланган асарлар
-
Билмадим, тақдир унинг ва менинг пешонамга нималар ёзгандир. Ф. Ғулом, Ёдгор
Пешонада битганини (ёки ёзилганини) кўрмоқ
-
Ўйнашмагин арбоб билан, арбоб урар ҳар боб билан. Пешонада битганини кўрасан. Ҳамза, Бой ила хизматчи
-
Зероки, рисолаларимиз мавжуд, ҳар ким ўз толеидан, пешонасига ёзилганини кўрадир. У. Исмоилов, Сайланма
Пешонамдан кўрдим
-
Бахтинг бўлса, тузалиб кетасан, дейишяпти. У ёғини пешонамдан кўрдим. Саодат
-
Хола, кун эзмаланмай, чиқиб айтаверинг-да. Бўладиган бўлса, мендан сўраб нима қиласиз? Нима бўлса, пешонамдан кўраман. Ҳамза, Танланган асарлар
Пешонаси ёруғ
-
Пешонамиз ёруғ экан, ўғлим. П. Турсун, Ўқитувчи
Пешонасига сиғмади
Пешона тери
-
— Агар ўзининг пешона тери билан бойлик орттирган шайх топилса, — деди истеҳзо билан, — майли, мақбарани ўша бошқара қолсин, мен розиман! Шу билан гапим тамом. К. Яшин, Ҳамза
-
Ўғирлик қилиб топган бўлсам айтинглар. Улар пешона тери билан топилган. Ҳалоллик билан орттирганман уларни мен К. Яшин, Ҳамза
Пешона тери тўкмоқ
-
Мусобақадошингиз қўйган шартларни бажариш учун ҳалол меҳнат қилинг, баравар пешона тери тўкинг! У. Исмоилов, Сайланма
Пешонаси деворга тегмоқ
Пешонаси кўҳлик
-
Олло таоло бировнинг пешонасини кўҳлик, бировникини қуп-қуруқ қилиб яратади. У бандаларига ризқ-рўзни ҳар кимнинг ўзига яраша ўлчаб сочади. К. Яшин, Ҳамза
Пешонаси очилмоқ
-
Бой ҳам шу мулкнинг бадалига, пешонам очилиб, бирор иш-пишга тушиб кетгунимча, бирор йил чамаси боқмоқчи бўлибди. Ғ. Ғулом, Шум бола
Пешонаси шўр ёки шўр пешона
-
— Эҳ, пешонам шўр экан, ошна! Бир ташвишдан қутулмасимдан иккинчиси таппа босади, — деди Азижон Омонтойга, бирон нажот топ, дегандай мўлтираб. К. Яшин, Ҳамза
-
[Жамила:] Ёки Ғофирдек бахтсиз, онангдай пешонаси шўр бўлиб туғилармидинг? Ҳамза, Бой ила хизматчи
Пешонаси қора
-
Йўл узунми, дард узун? Дарвиш ашуласи узун. Тун қорами, дард қора? Дарвиш пешонаси қора. Х. Даврон, Қақнус
Пешонасини тириштирмоқ
-
Олчинбек дабдурустдан кириб келиб, тилёғламачилик билан бошлаган гапи Ҳамзанинг энсасини қотирди.
-
Пешонаси тиришиб, қаттиқ гапиргиси келди-ю, лекин ўзини босди. К. Яшин, Ҳамза
-
Мансур бир нафас пешонасини тириштириб, ўйланиб турди-да, эшик тутқичига қўл чўзди. Ў. Ҳошимов, Қалбингга қулоқ сол
ПЕШОНА сўзининг синонимларини Sinonim.uz сайтида қидириб кўринг.
PESHONA сўзининг лотинча ёзилиши Lotin.uz сайти томонидан тақдим қилинган.
пешона сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
