пешқадам

1. сифатдош Иш, ўқиш, спорт кабиларда бошқалардан олдинда борувчи, ўрнак кўрсатувчи; илғор.

1. Пешқадам теримчи.

2. Пешқадам ишчи кунига режадаги 480 та ўрнига 650 тача рўмолнинг четини тикади. Газетадан

2. от Шундай хусусиятга эга бўлган киши, ўқувчи ёки спортчи.

1. Тиришиб машқ қилишим орқасида, ҳамтавоқ ўртоқларим орасида иншо ёзишда пешқадам бўлиб олдим. Н. Сафаров, Оловли излар

2. Гуруҳ пешқадами — Бразилия терма командасининг кутилмаган мағлубияти вазиятни ўзгартириб юборди. Газетадан

3. Кимдир эски усуллар билан ишлайди, кимдир компьютер техникаси афзаллигига ишонади, кимдир эса ўз соҳасининг пешқадами бўлади. Газетадан