пирилла
билан улашинг
1. Пир -пир овоз чиқариб, тез қанот қоқмоқ ёки айланмоқ.
-
Пирилдоқ пириллаб айланмоқда.
-
Қуш ҳам итга тутқич бермай, яна пириллаб учди. Ҳ. Назир, Сўнмас чақмоқлар
-
Толибжон вентилятор вилкасини розеткага тиқиши билан, урчуқ пириллаб айлана кетди. С. Аҳмад, Жимжитлик
2. Титраганнамо ҳаракат қилмоқ, ҳилпирамоқ.
-
Шамол стол устидаги дафтар, китобларнинг саҳифаларини шитирлатиб варақлади, дераза пардаси бетўхтов пириллай бошлади. Ф. Мусажонов, Дарадаги қишлоқда
-
Майин ел шивирлаб, бошингдан эсса, Рўмолинг пириллаб ўйнаб кетади. Уйғун.
3. Пирпирамоқ, учмоқ (масалан, киприк, мушак ҳақида).
-
Чолнинг кўзлари асабий пириллади, туриб, аста уйга кирди. Ҳ. Аҳмар, Ким ҳақ?
-
Салимбойваччанинг кўзлари ола-кула бўлиб, юзидаги гўштлари пириллади, Бу қандай гап? Ойбек, Танланган асарлар
-
Унинг [кампирнинг] этсиз лаблари асабий пириллар, пешонабоғи елкасига осилиб тушган, қақшоқ оёқлари яланг эди. Н. Қиличев, Чиғириқ
4. Майда қадам ташлаб, тез юрмоқ; пилдирамоқ.
-
Бобомирзо елкасида сочиқ, олдида фартук, дўпписини яримта қилиб, пириллаб юрибди. И. Раҳим, Тақдир
ПИРИЛЛА сўзининг синонимларини Sinonim.uz сайтида қидириб кўринг.
PIRILLA сўзининг лотинча ёзилиши Lotin.uz сайти томонидан тақдим қилинган.
пирилла сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
