қаҳр
билан улашинг
1. Қаттиқ аччиқланиш, жаҳл туйғуси; ғазаб.
-
Замиранинг қаҳрдан ёнаётган кўзлари, аччиқланганда ҳам нафосатини йўқотмайдиган юзи жазманига янада чиройли кўринди шекилли, йигит ширин илжайди. П. Қодиров, Уч илдиз
-
Қўзғолончи халқнинг қаҳри ҳар лаҳзада кучайди, ҳайқириғи кўкни тутди. Ойбек, Танланган асарлар
-
Унинг сўзлашув оҳанги мулойим бўлса-да, аммо узиб олгудек қаҳр ва аччиқ киноя сезилиб турарди. С. Кароматов, Олтин қум
2. кўчма Баъзи табиий ҳодисаларнинг аламли кучи, таъсирига нисбатан қўлланади.
-
Қиш қаҳридан қарсиллайди қайрағочлар. А. Мухтор.
-
Аччиқ аёз кўрсатар кучин, Ўткирлашар совуқнинг қаҳри. Д. Файзий.
қаҳр сўзи қатнашган жумлалар:
Қаҳри келмоқ
-
Олимжоннинг қаҳри келди, кўмир чўғидай кўзларидан ўт чақнади. Муштум
-
Қаҳри келганда, ҳеч кимни аяб ўтирмайди. Т. Ашуров, Оқ от
Қаҳри қаттиқ
-
Ҳа, ана шундай бемеҳр, қаҳри қаттиқ кимсалар ҳам бор. Газетадан
Қаҳрига олмоқ
-
Эй худованди карим, мен бечорани нега бунча қаҳрингга олдинг. К. Яшин, Ҳамза
ҚАҲР сўзининг синонимларини Sinonim.uz сайтида қидириб кўринг.
QAHR сўзининг лотинча ёзилиши Lotin.uz сайти томонидан тақдим қилинган.
қаҳр сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
