қаноатлан
билан улашинг
1. Озга, борига қаноат қилмоқ, бори билан кифояланмоқ, қониқмоқ.
-
Кичкина декча қайнатиб, бир товоқ, хўрда ошга қаноатланганидан, дўкондорлар орасида у сал кунда хўрда махсум деб лақабланди. Ойбек, Танланган асарлар
2. Қаноат ҳосил қилмоқ, мамнун бўлмоқ, қониқмоқ.
-
Ишнинг унумидан қаноатланмади шекилли, чолга зуғум қила кетди. К. Яшин, Ҳамза
-
Ўринни солиб битиргандан кейин Зайнаб қаноатланиб, уйдан чиқмоқчи бўлган эди, уни Кумуш тўхтатди. А. Қодирий, Ўтган кунлар
3. Чекланмоқ, кифояланмоқ.
-
Элмурод эшон билан оқсоқол ўртасидаги диний муносабатга аралашишни лозим кўрмади. Фақат завқли кулги билан қаноатланди. П. Турсун, Ўқитувчи
-
Агар биз шу бугунни ўйлар эканмиз ва бугунги ишимиз билан қаноатланиб қолар эканмиз, эртага ҳам худди шу бугунги иш такрорланаверади. Р. Файзий, Чўлга баҳор келди
ҚАНОАТЛАН сўзининг синонимларини Sinonim.uz сайтида қидириб кўринг.
QANOATLAN сўзининг лотинча ёзилиши Lotin.uz сайти томонидан тақдим қилинган.
қаноатлан сўзи ишлатилган сайтларни интернетда қидиринг
Google Яндекс BingСиз учун қизиқ бўлиши мумкин бўлган сўзлар
