Izoh.uz сайтида қис сўзининг изоҳи ва маънолари

қис

Сўзни дўстлар
билан улашинг

феъл

1. Орасига олмоқ, орасига олган ҳолда тутмоқ, сиқиб ушламоқ; сиқмоқ.

Валиевнинг бир ўзи столга тирсагини таяб, икки кафти билан чеккасини қисиб ўтирибди. Ў. Ҳошимов, Қалбингга қулоқ сол
Тешабой олдидаги қовун косадан шошилмасдан бир тилим олди-ю, оғзига келтирмай, икки бармоғи орасида қисиб туриб: — Тақсир, — деди. М. Исмоилий, Фарғона тонг отгунча
Мен билан жилмайиб кўришди-да, қўлидаги газетасини буклаб, қўлтиғига қисди. Ў. Усмонов, Сирли соҳил
Темир қип-қизил бўлгач, омбурда қисиб олади-да, кундага қўяди. С. Сиёев, Ёруғлик

2. кўчма Сиқув, исканжага олмоқ; эзмоқ, сиқмоқ.

Бегона ўшлар ғўзани қисиб қўйибди.
иккинчи марта экилган чигитни шўр қисиб, ер бетига чиқармай қўйди. Муштум
Кампир, резинкаси оёғини қисиб юборган шекилли, капрон пайпоғини ҳимариб, тўпиғига тушириб олибди. С. Аҳмад, Сайланма

3. кўчма Бўғмоқ, нафасини қайтармоқ.

Унинг ҳалқумини дард қисиб келди.

4. кўчма (ч.к. билан) Бирор нарсадан танг ҳолатга солмоқ; сиқмоқ, толиқтирмоқ, зориқтирмоқ.

Пулдан қисмоқ.
Мана бўлмасам, деб уни ҳам овқатдан қисиб қўйдим. С. Аҳмад, Автобиография
Худойим хотинларни уй учун яратган. Эркакларни олиб келишдан қисмасин. Ҳ. Раҳимов, Чин ҳаёт
ҳусн деган нарсадан худо мени қисган. Мирмуҳсин, Меъмор

5. Бирлаштирмоқ, юммоқ.

Лабларини қисмоқ.
Валихон муштини қисиб таъкидлади: — Сипоҳ керак. Ш. Тошматов, Эрк куши
Ранги қум ўчган, изтиробдан қалтираган одамлар, ўз харобалари олдида тишларини қисиб, жим ўйланардилар. Ойбек, Қуёш қораймас

қис сўзи қатнашган жумлалар:

Бошини (ёки калласини)

кам қўлланадиган, айнан Қисмоқ бўйнини қисмоқ.

У калласини қисиб, кўкарган кўзини қўли билан тўсиб турган Жамол писмиққа мурожаат қилди. М. Исмоилий, Фарғона тонг отгунча.

Бўйнини (ёки бўйин) қисмоқ

1. Бўйнини ичига тортмоқ (одатда бирор маъно ифодалаш учун, масалан, билмаслик, хабарсизлик маъносини билдириш учун шундай қилинади).

Рисолат хола бўйнини қисиб, ўзи ҳам бу сирнинг боисидан бехабарлигини билдирди. Ш. Тошматов, Эрк қуши

2. Шахснинг қисинган, тушкун ҳолатини билдиради; бўйин эгмоқ.

Бир кун эримнинг узоқ сайилга кетганини эшитиб, уйимга етим боладек бўйнини қисиб кириб келди. М. Исмоилий, Фарғона тонг отгунча
Қаршисида ёлворгандай бўйин қисиб турган йигитга раҳми келди. Ж. Абдуллахонов, Тўфон

Думини қисмоқ

1. Думини оёқлари орасига олмоқ (ит ҳақида — одатда қўрққан ҳолатларда шундай қилади).

Ит жуда қўрқоқ экан. Думини қисиб, бир менга, бир Асетга қараб, бостирманинг тагига кириб кетди. Н. Фозилов, Дийдор

2. Қўрқиб, ҳайиқиб жим бўлмоқ.

қаттиқроқ гапириб, ҳукуматни эсга солсанг, думини қисади бу чайқовчилар. А. Мухтор, Давр менинг тақдиримда

Елкасини қисмоқ

1. Бўйнини ичига олиб, икки елкаси бир оз кўтарилган ҳолатда бўлмоқ.

Мутриб одатича ерга қараб, елкасини қисиб, бир-бир одим ташлаб кетарди. С. Сиёев, Аваз

2. айнан Бўйнини қисмоқ 1.

— Сомон олганмисиз? Агроном., елка қисди: — Билмадим болалар кеча-печа олиб келган бўлмаса. С. Сиёев, Отлиқ аёл

3. айнан Бўйнини қисмоқ 2.

Жуман, мен елкамни қисиб келдим, болаларга айт, мени қайта тарбиялашсин А. Мухтор, Туғилиш

Кўз(ини) қисмоқ

1. Бирор сабаб ёки таъсир билан кўз милкларини бир-бирига яқинлаштирмоқ, кўзни юмиш даражасигача торайтирмоқ.

у сел-сел терлаганига ҳам парво қилмай, кўзларини қисиб, йўлга қаради. Ёшлик
Чарақлаган офтобга қарагандай, кўзларини қисиб, Темурга ўгирилди. С. Сиёев, Ёруғлик

2. Бирор маъно ифодалаш, белги бериш учун кўз (одатда бир кўз) милкларини жуфтламоқ.

Раиснинг қарашидан бу насиҳатнинг маъносига тушунган мудир қўлини кўксига қўйиб, чап кўзини қисиб деди Муштум
Дарҳол кўзимни қисдим. Бир майизни икки бўлиб ейдиган Мўмин дўстим фикримни пай-қади. Ш. Холмирзаев, Йўллар, йўлдошлар.

Тилини қисмоқ

Гапирмай (гапиртирмай) қўймоқ; гапиришдан тийилмоқ.

Ўликми-тирикми, билармиз. Ман ҳам қараб турмайман. Аммо сўз тарқалмасин, айт, хотининг тилини қиссин. Ойбек, Танланган асарлар

Юрагини қисмоқ

Хафақон, диққат қилмоқ; руҳан эзмоқ.

Саҳродаги бир хил манзара киши юрагини қисиб, уни диққинафас қилиб юборади. К. Яшин, Ҳамза

ҚИС сўзининг синонимларини Sinonim.uz сайтида қидириб кўринг.

QIS сўзининг лотинча ёзилиши Lotin.uz сайти томонидан тақдим қилинган.

Изоҳли луғат Savodxon лойиҳаси билан ҳамкорликда яратилди. Savodxon дастури матндаги имло хатоларини аниқлаш ва тузатишга имкон беради.

Батафсил

Сайтдаги ўрни

7120

Сўзнинг тескари ёзилиши

сиқ

Ҳарфлар сони

Кўришлар сони

737

қис сўзи ишлатилган сайтларни интернетда қидиринг

Google Яндекс Bing

Сиз учун қизиқ бўлиши мумкин бўлган сўзлар

абёт абадийлаш Сатурн аъзолик Ғиждувоний Марғиноний аъзойи бадан ачинтир ачинарли

қис сўзининг маъноси ва изоҳи билан батафсил танишиб чиқамиз. Ўйлаймизки, энди сиз Izoh.uz сайтидан фойдаланиб, қис сўзини лотин ва кирилл алифбосида тўғри ва ўз ўрнида ишлата оласиз.

Алифбо бўйича

А Б В Г Д Е Ж З И Й К Л М Н О П Р С Т У Ф Х Ц Ч Ш Э Ю Я Ў Қ Ғ Ҳ

Батафсил

Тасодифий сўзлар

Ҳаммасини кўриш

Янги сўзлар