Izoh.uz сайтида сакра сўзининг изоҳи ва маънолари

сакра

Сўзни дўстлар
билан улашинг

феъл

1. Бутун гавдани ирғитиб, кескин ҳаракат қилмоқ, пастга, юқорига ёки бир неча қадам нарига ўзини отмоқ.

Рустам томоша қилиб турган қизлар ораси-да биттаси чинқириб, осмонга сакраганини, кула-кула қарсак чалганини кўрди. Ў. Ҳошимов, Қалбингга қулоқ сол
Аёл сакраб пастга тушди-да, сумкасини ковлаб, пул қидира бошлади. С. Аҳмад, Уфқ

2. Урилиб қайтмоқ, ирғимоқ, сапчимоқ.

Бола коптокни ерга бир урган эди, копток том бўйи сакради.
Қуёшда олтинланиб, тошдан тошга сакраган сувларнинг шовқинини сезди. Ойбек, Қуёш қораймас

3. кўчма Жойдан жойга ўтмоқ, кўчмоқ.

Читтак шохдан шохга сакраб, тўғри ҳам эмас, эгри ҳам эмас калтак изласа, Набигул заводдан заводга сакраб, нима излайди, дейсиз-да? А. Қаҳҳор, Қанотсиз читтак

4. кўчма Навбатдагига тўхталмай, кейингисига ўтмоқ.

Биз, ўтган 51-фаслда Анвар билан Раънони Султоналининг дарвозасида қўйиб, 52-фаслга сакраган эдик. А. Қодирий, Меҳробдан чаён

5. кўчма Кўтарилиб-тушиб турмоқ (нарх-наво ҳақида).

[Мирзакаримбой:] Шундай бўлиши керак. Нарх-наво ҳар кўпи сакраб турибди. Ойбек, Танланган асарлар

Булутга (ёки кўкка) сакрайдиган

Чопқир, ўйноқи (от ҳақида).

Ерга урсанг, кўкка сакрайди

Жуда шўх; тиним билмайдиган (асосан болалар ҳақида).

Юз газ (нари) сакрамоқ

Ўзини четга олмоқ, безилламоқ.

(Ўрнидан) сакраб турмоқ

Ўтирган жойидан тез, сапчиб турмоқ.

Бобур ўрнидан сакраб турди, такрор эшитилган аламли йиғидан эти жунжикиб, бувисининг хонасига қараб югурди. П. Қодиров, Юлдузли тунлар
Чароснинг даҳшатдан кўзлари олайиб, сакраб туриб кетди. Ў. Ҳошимов, Қалбингга қулоқ сол

САКРА сўзининг синонимларини Sinonim.uz сайтида қидириб кўринг.

SAKRA сўзининг лотинча ёзилиши Lotin.uz сайти томонидан тақдим қилинган.

Сайтдаги ўрни

20721

Сўзнинг тескари ёзилиши

аркас

Ҳарфлар сони

Кўришлар сони

181