сидра

1. Марта, карра, бора.

1. Жабборов техникани яна бир сидра кўздан кечириш учун беш кун имконият борлигини айтди. Н. Ҳайитқулов, Ер тафти

2. — Бугун икки гектардан бир сидра теримда 38 центнер ҳосил кўтарибмиз, — деди бригадир. С. Акбарий, Чўлдаги парвоз

2. Одатда бир бутунликни ташкил этувчи нарсаларнинг тўлиқ йиғмаси, тўплами.

1. Бир сидра кийим.

2. Бола-чақа маъмур. Егани олдида, емагани кетида. Кийим-кечакдан эса уч-тўрт сидрадан, — деди Нафас Йўлдошевич. Ҳ. Носирова, Мен ўзбек қизиман

3. Айни бир пайтда; маълум муддатда; қачонлардир.

1. Бир сидра. Бир сидра шундай воқеалар ҳам бўлиб ўтган эди.

2. Кумушнинг заҳарли муаммо мактуби бир сидра Отабекнинг кўз ўнгидан ўтиб кетди. А. Қодирий, Ўтган кунлар