sidra

1. Marta, karra, bora.

1. Jabborov texnikani yana bir sidra koʻzdan kechirish uchun besh kun imkoniyat borligini aytdi. N. Hayitqulov, Yer tafti

2. — Bugun ikki gektardan bir sidra terimda 38 sentner hosil koʻtaribmiz, — dedi brigadir. S. Akbariy, Choʻldagi parvoz

2. Odatda bir butunlikni tashkil etuvchi narsalarning toʻliq yigʻmasi, toʻplami.

1. Bir sidra kiyim.

2. Bola-chaqa maʼmur. Yegani oldida, yemagani ketida. Kiyim-kechakdan esa uch-toʻrt sidradan, — dedi Nafas Yoʻldoshevich. H. Nosirova, Men oʻzbek qiziman

3. Ayni bir paytda; maʼlum muddatda; qachonlardir.

1. Bir sidra. Bir sidra shunday voqealar ham boʻlib oʻtgan edi.

2. Kumushning zaharli muammo maktubi bir sidra Otabekning koʻz oʻngidan oʻtib ketdi. A. Qodiriy, Oʻtgan kunlar